ഒറീസയില്‍ കൃഷി വകുപ്പിലെ അഴിമതിയെക്കുറിച്ച് സി ബി ഐ അന്വേഷണം

ഭൂവനേശ്വര്‍: ഒറീസയില്‍ കഴിഞ്ഞ കോണ്‍ഗ്രസ്സ് ഗവണ്‍മെന്റിന്റെ കാലത്തുണ്ടായെന്നാരോപിക്കുന്ന കൃഷി വകുപ്പിലെ അഴിമതിയെക്കുറിച്ച് സി ബി ഐയെക്കൊണ്ട് അന്വേഷിക്കാന്‍ മൂഖ്യമന്ത്രി നവീന്‍ പട്നായിക് ഉത്തരവിട്ടു.

കൃഷി വകുപ്പ് ഏറ്റടുത്തു നടത്തിയ പല പദ്ധതികളിലേയും അഴിമതികളുടെ വിശദാംശങ്ങള്‍ പഠിച്ച ശേഷമാണ് മുഖ്യമന്ത്രിയുടെ ഈ തീരുമാനമെന്ന് സെക്രട്ടേറിയേറ്റില്‍ നിന്നുള്ള ഒരു പത്രക്കുറിപ്പ് പറഞ്ഞു.

കൃഷി വകുപ്പിലെ അഴിമതികളെക്കുറിച്ചന്വേഷിക്കുമെന്ന് ബീജു ജനതാദളും ബി ജെ പി യും അവരുടെ പൊതു മിനിമം പദ്ധതിയില്‍ പറഞ്ഞിരുന്നു. കഴിഞ്ഞ തിരഞ്ഞെടുപ്പില്‍ ഈ അഴിമതി ആരോപണങ്ങളെക്കുറിച്ചുള്ളൊരു സി ബി ഐ അന്വേഷണം ബി ജെ പി, ബി ജെ ഡി സഖ്യത്തിന്റെ പ്രധാന പ്രചരണായുധമായിരുന്നു.