ചാരായ വില്പനയെ കുറിച്ച് ജുഡീഷ്യല് അന്വേഷണം വേണമെന്ന് കരുണാകരന്
തിരുവനന്തപുരം: സംസ്ഥാനത്തെ ചാരായ വില്പനയെക്കുറിച്ച് ജുഡീഷ്യല് അന്വേഷണം നടത്തണമെന്ന് കെ. കരുണാകരന് എം.പി ആവശ്യപ്പെട്ടു. തിരുവനന്തപുരത്ത് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
സംസ്ഥാനത്തെ കള്ളുഷാപ്പുകളിലൂടെ നടക്കുന്ന ചാരായ വില്പനയ്ക്ക് കൂട്ടുനില്ക്കുന്നത് സി.പി.എം ആണ്. അച്യുതാനന്ദന് മാത്രമല്ല സി.ഐ.ടി.യുവും ചാരായ വില്പനയെക്കുറിച്ച് ആരോപണങ്ങള് ഉന്നയിച്ചിട്ടുണ്ട്. ഈ സാഹചര്യത്തില് ജുഡീഷ്യല് അന്വേഷണമല്ലാതെ മറ്റൊരു വഴിയില്ല.
കേരളത്തില് ബി.ജെ.പി യുമായി ചേര്ന്ന് മഹാസഖ്യമുണ്ടാക്കില്ലെന്ന് കരുണാകരന് പറഞ്ഞു. കേരളത്തില് രണ്ട് മഹാസഖ്യങ്ങളേ നിലവിലുള്ളൂ. എല്.ഡി.എഫും യു.ഡി.എഫും. എല്.ഡി.എഫില് നിന്ന് ചില കക്ഷികള് യു.ഡി.എഫില് വരും. മുസ്ലീംലീഗ് മുന്നണി വിടില്ലെന്ന് തനിക്ക് തറപ്പിച്ച് പറയാനാകും. പ്രാദേശികമായി തീര്ക്കാവുന്ന പ്രശ്നങ്ങളേ യു.ഡി.എഫില് ഉള്ളൂ. അദ്ദേഹം പറഞ്ഞു.
കോണ്ഗ്രസ്സ് നേതൃത്വത്തിന് ചില തെറ്റുകള് പറ്റിയിട്ടുണ്ടെന്ന് അദ്ദേഹം സമ്മതിച്ചു.