പാക്കിസ്ഥാന് ത്രിരാഷ്ട്ര കപ്പ്
ട്രിനിഡാഡ്: ത്രിരാഷ്ട്ര ഏകദിന ക്രിക്കറ്റ് ടൂര്ണമെന്റില് പാക്കിസ്ഥാന് ജേതാക്കള്. ഞായറാഴ്ച നടന്ന മൂന്നാം ഫൈനലില് വെസ്റിന്ഡീസിനെ നാല് വിക്കറ്റിന് തോല്പിച്ചാണ് അവര് ജേതാക്കളായത്. ആദ്യ രണ്ടു ഫൈനലില് ഇരുടീമുകളും ഓരോ കളിവീതം ജയിച്ച് തുല്യതയിലായിരുന്നു.
ഇന്നലെ ടോസ് നേടി ബാറ്റിംഗാരംഭിച്ച വെസ്റിന്ഡീസ് 33.2 ഓവറില് 114 റണ്ണിന് പുറത്തായി. സ്പിന്നര് മുഷ്താഖ് അഹ്മദ് മികച്ച ബൗളിംഗിന് മുന്നില് വെസ്റിന്ഡീസ് ഇന്നിംഗ്സ് ചീട്ടുകൊട്ടാരം പോലെ തകര്ന്നു. മുഷ്താഖ് എട്ട് ഓവറില് 22 റണ് വഴങ്ങി നാല് വിക്കറ്റെടുത്തു.
ഓപ്പണര്മാരായ ഫിലോ വാലസും (30) ഷെര്വിന് കാംബെല്ലും (26) സാമാന്യം ഭേദപ്പെട്ട തുടക്കമാണ് വെസ്റിന്ഡീസിന് സമ്മാനിച്ചത്. എന്നാല് കാംബെല് പുറത്തായതോടെ മുഷ്താഖും ഷോയിബ് അക്തറും (31 റണ്ണിന് രണ്ട് വിക്കറ്റ്) സഖ്ലെയ്ന് മുഷ്താഖും (20 റണ്ണിന് രണ്ട് വിക്കറ്റ്) കൂടെ വെസ്റിന്ഡീസിനെ വരിഞ്ഞുകെട്ടുകയായിരുന്നു.
തുടര്ന്ന് മറുപടി ബാറ്റിംഗിനിറങ്ങിയ പാക്കിസ്ഥാന് 45.1 ഓവറില് ആറ് വിക്കറ്റ് നഷ്ടത്തില് ലക്ഷ്യം കണ്ടു. തുടക്കത്തില്ത്തന്നെ ഇമ്രാന് നസീറിനെയും (4) ഷാഹിദ് അഫ്രീദിയെയും (13) യൂനിസ് ഖാനെയും (17) നഷ്ടപ്പെട്ടെങ്കിലും ഇന്സമാം ഉള് ഹഖ് (39) ക്യാപ്റ്റന് മോയിന്ഖാനും വസിം അക്രവുമായി ചേര്ന്ന് ടീമിനെ വിജയത്തിലെത്തിച്ചു.
മാന് ഓഫ് ദ മാച്ചായി മുഷ്താഖ് അഹ്മദിനെയും മാന് ഓഫ് ദി സീരീസായി ഇന്സമാം ഉള് ഹഖിനെയും തെരഞ്ഞെടുത്തു.