കൊളംബോ: ശ്രീലങ്കയില് നടക്കുന്ന പോരാട്ടത്തില് തമിഴ് പുലികള്ക്ക് മുന്നേേറ്റം.
കൊളംബോ: ശ്രീലങ്കയില് നടക്കുന്ന പോരാട്ടത്തില് തമിഴ് പുലികള്ക്ക് മുന്നേേറ്റം. ജാഫ്ന മുനമ്പിലേക്കുള്ള പാതയിലെ എലിഫന്റ് പാസ് സമുച്ചയത്തിലെ കേന്ദ്രങ്ങളില് നിന്ന് 20,000-ത്തോളം സൈനികര് പിന്വാങ്ങിയതോടെയാണിത്. എലിഫന്റ് പാസും ഇയക്കച്ചിയും പുലികളുടെ നിയന്ത്രണത്തിലായതിനാല് തന്ത്രപ്രധാനമായ ജാഫ്ന പുലികള് എപ്പോഴും നിയന്ത്രണത്തിലാക്കിയേക്കും.
ആയിരം പട്ടാളക്കാരെ കൊന്നുവെന്ന് പുലികള് അവകാശപ്പെടുന്നുണ്ടെങ്കിലും 128 സൈനികരും 162 പുലികളും കൊല്ലപ്പെട്ടുവെന്നാണ് സര്ക്കാര് അവകാശപ്പെടുന്നത്. രണ്ടു സൈനികത്താവളങ്ങളും പിടിച്ചടക്കിയതോടെ വടക്കന് വാവുനിയയുടെ അതിര്ത്തിതൊട്ട് ഇയക്കച്ചി വരെ നൂറു കിലോമീറ്ററോളം തമിഴ് പുലികളുടെ നിയന്ത്രണത്തിലാകും. ഇതുമൂലം ജനങ്ങള് തിങ്ങിപ്പാര്ക്കുന്ന ജാഫ്നയിലേക്ക് പുലികള് നീങ്ങിയാല് തടയാന് സൈന്യത്തിന് സംവിധാനങ്ങളില്ലാതായി.
1995-ല് പുലികള്ക്ക് ജാഫ്നയുടെ നിയന്ത്രണം നഷ്ടപ്പെട്ടതിനുശേഷം അവിടെ രൂക്ഷമായ പോരാട്ടം നടക്കുകായിരുന്നു.
ജാഫ്നയുടെ രക്ഷക്കുവേണ്ടിയാണ് സൈന്യം പിന്മാറിയതെന്ന് ശ്രീലങ്കാ സര്ക്കാര് അവകാശപ്പെടുന്നുണ്ടെങ്കിലും സൈന്യത്തിനേറ്റ തിരിച്ചടി ദൂരവ്യാപകഫലങ്ങളുളവാക്കും. ചികിത്സക്കായി ഇംഗ്ലണ്ടില് പോയിരിക്കുന്ന പ്രസിഡണ്ട് ചന്ദ്രിക കുമാരതുംഗ പെട്ടെന്ന് തിരിച്ചെത്തിയേക്കും. പ്രതിസന്ധി ചര്ച്ച ചെയ്യാന് പാര്ലമെന്റ് സമ്മേളം എത്രയും പെട്ടെന്ന് വിളിച്ചുചേര്ക്കണമെന്ന് പ്രതിപക്ഷം ആവശ്യപ്പെടുകയും ചെയ്തിട്ടുണ്ട്.