വി.ടി. നന്ദകുമാര്‍ അന്തരിച്ചു

തൃശൂര്‍: നോവലിസ്റും നാടകകൃത്തുമായ വി.ടി. നന്ദകുമാര്‍ അന്തരിച്ചു. 76 വയസ്സായിരുന്നു. അസുഖത്തെത്തുടര്‍ന്ന് പുലൂട്ടുള്ള സ്വവസതിയില്‍ വെച്ചായിരുന്നു അന്ത്യം. ഭാര്യയും ഒരു മകനും രണ്ടു പെണ്‍മക്കളുമുണ്ട്.

20-ഓളം നോവലുകളും അനേകം നാടകങ്ങളുമെഴുതിയ നന്ദകുമാറിന്റെ ചില രചനകള്‍ ചലച്ചിത്രമായിട്ടുണ്ട്. രണ്ടു പെണ്‍കുട്ടികള്‍, ദൈവത്തിന്റെ മരണം, രക്തമില്ലാത്ത മനുഷ്യര്‍ എന്നിവയാണ് പ്രധാനകൃതികള്‍. രണ്ടു പെണ്‍കുട്ടികള്‍ ചലച്ചിത്രമായി.

വിഷ്ണുവിജയം, ധര്‍മ്മ യുദ്ധം തുടങ്ങി നിരവധി മലയാള ചലച്ചിത്രങ്ങള്‍ക്ക് തിരക്കഥയുമെഴുതിയിട്ടുണ്ട്.