താമരാക്ഷന് എം.എല്.എ സ്ഥാനം രാജി വെയ്ക്കണമെന്ന് ഇ.കെ. നായനാര്
തിരുവനന്തപുരം: ഇടതുമുന്നണി വിടുന്ന ആര്.എസ്.പി - ബി നേതാവ് പ്രൊഫ. എ.വി താമരാക്ഷന് എം.എല്.എ സ്ഥാനം രാജി വെയ്ക്കണമെന്ന് മുഖ്യമന്ത്രി ഇ.കെ. നായനാര്.
മന്ത്രിസഭായോഗത്തിന് ശേഷം വാര്ത്താലേഖകരോട് സംസാരിക്കുകയായിരുന്നു അദ്ദേഹം. വെല്ഫയര് ബോര്ഡുകളിലും തദ്ദേശ സ്ഥാപനങ്ങളിലുമുള്ള ആര്.എസ്.പി - ബി പ്രതിനിധികള് രാജിവെയ്ക്കുമെന്ന താമരാക്ഷന്റെ പ്രസ്താവന ശ്രദ്ധയില്പ്പെടുത്തിയപ്പോഴാണ് നായനാര് ഇങ്ങനെ പ്രതികരിച്ചത്.
ഇടതുമുന്നണി മന്ത്രിസഭ അഴിമതിയില് മുങ്ങിയിരിക്കുകയാണെന്ന താമരാക്ഷന്റെ ആരോപണത്തെക്കുറിച്ച് ചോദിച്ചപ്പോള് നാലുവര്ഷം അയാള് ഈ അഴിമതിയുടെ കൂടെ അല്ലായിരുന്നോയെന്നും അഞ്ചാംവര്ഷം പെട്ടെന്ന് എഴുന്നേറ്റ് പരിശുദ്ധന് ചമഞ്ഞിട്ട് കാര്യമുണ്ടോയെന്നും നായനാര് ചോദിച്ചു.
Click it and Unblock the Notifications
Sign in with Google