ആര്.എസ്.പി(ബി)---- യു.ഡി.എഫ് ചര്ച്ച 22ന്
തിരു: ആര്.എസ്.പി-ബി മെയ് 22ന് യു.ഡി.എഫുമായി ചര്ച്ച നടത്തും. യു.ഡി.എഫില് ഔദ്യോഗികമായി പ്രവേശിക്കുന്നതിന്റെ മുന്നോടിയായാണ് ഈ ചര്ച്ച.
ആര്.എസ്.പി-ബി സംസ്ഥാന കമ്മിറ്റി യോഗത്തിന് ശേഷം സംസ്ഥാന സെക്രട്ടറി എ.വി. താമരാക്ഷന് പത്രലേഖകരെ അറിയിച്ചതാണിത്. ചര്ച്ചകള്ക്ക് നേതൃത്വം നല്കാന് ആര്.എസ്.പി-ബി സംസ്ഥാന സെക്രട്ടറിയേറ്റിനെ സംസ്ഥാന കമ്മിറ്റി നിയോഗിച്ചു. ചര്ച്ചകളില് യു.ഡി.എഫിനെ പ്രതിനിധീകരിക്കുന്നത് യു.ഡി.എഫ് കണ്വീനര് കെ. ശങ്കരനാരായണനായിരിക്കും.
മുഖ്യമന്ത്രിയും ഇടതുമുന്നണി കണ്വീനറും ആവശ്യപ്പെട്ടതുപോലെ എം.എല്.എ സ്ഥാനം രാജിവെക്കാന് ഉദ്ദേശിക്കുന്നില്ലെന്നും താമരാക്ഷന് പറഞ്ഞു.
Click it and Unblock the Notifications
Sign in with Google