കേരളത്തിലെ 3 രാജ്യസഭാംഗങ്ങള്‍ കാലാവധി പൂര്‍ത്തിയാക്കുന്നു

ന്യൂദില്ലി: കേരളത്തില്‍ നിന്നുള്ള മൂന്ന് രാജ്യസഭാംഗങ്ങള്‍ വരുന്ന ജൂലൈ ഒന്നിന് കാലാവധി പൂര്‍ത്തിയാക്കും. സീറോ അവറില്‍ രാജ്യസഭാ ചെയര്‍മാന്‍ ക്രിഷന്‍ കാന്താണ് ഈ വിവരം അറിയിച്ചത്.

ഇ. ബാലാനന്ദന്‍ (സി.പി.എം.), വയലാര്‍ രവി (കോണ്‍ഗ്രസ്), എം.പി. അബ്ദുല്‍ സമദ് സമദാനി (മുസ്ലിം ലീഗ്) എന്നിവരാണ് കാലാവധി പൂര്‍ത്തിയാക്കുന്നത്. തങ്ങളുടെ കാലാവധിക്കിടയില്‍ ഈ അംഗങ്ങള്‍ നടത്തിയ പ്രവര്‍ത്തനങ്ങളെ ചെയര്‍മാന്‍ അനുമോദിച്ചു.