ഫിജി: അട്ടിമറി ന്യായീകരിക്കാനാവില്ലെന്ന് റബൂക്ക
വെല്ലിംഗ്ടണ്: ഫിജി പ്രധാനമന്ത്രിയെയും മന്ത്രിസഭാംഗങ്ങളെയും പാര്ലമെന്റില് ബന്ദിയാക്കിയത് അംഗീകരിക്കാനാവില്ലെന്ന് മുന് ഫിജി ഭരണാധികാരി സിതിവേനി റബൂക്ക പ്രസ്താവിച്ചു.
ഫിജിയിലെ ജനങ്ങള്ക്കുവേണ്ടിയാണ് തങ്ങല് അട്ടിമറി നടത്തിയതെന്ന വിമതനേതാവ് ജോര്ജ് സ്പെയ്റ്റിന്റെ വാദത്തെ അംഗീകരിക്കുന്നുവെങ്കിലും അതിനുവേണ്ടി തെരഞ്ഞെടുത്തു മാര്ഗത്തെ ന്യായീകരിക്കാനാവില്ലെന്ന് റബൂക്ക വ്യക്തമാക്കി. ഫിജി ജനങ്ങളുടെ താല്പര്യം രക്ഷിക്കാനെന്ന് അവകാശപ്പെട്ട് 1987-ല് പട്ടാള അട്ടിമറിക്ക് നേതൃത്വം കൊടുത്തയാളാണ് റബൂക്ക.
സ്പെയ്റ്റിന്റെയും കൂട്ടാളികളുടെയും പ്രവൃത്തി ഫിജിയിലെ ജനങ്ങളുടെ അവകാശത്തിനുവേണ്ടി നിലകൊളളുന്ന കൗണ്സിലിന്റെ മേധാവികളില് വിരുദ്ധാഭിപ്രായമുണ്ടാക്കുമെന്ന് റബൂക്ക പറഞ്ഞു. കൗണ്സില് മേധാവികളുടെ യോഗം നാളെ ചേരുന്നുണ്ട്. പ്രസിഡണ്ട് റതു കമീസേസെ മാരയുടെ നേതൃത്വത്തിലുള്ള വിശ്വാസപ്രമേയവും കൗണ്സിലില് അവതരിപ്പിച്ചേക്കും.
കൗണ്സിലിന്റെ ചെയര്മാനായ റബൂക്കയെയാണ് അട്ടിമറി നേതാക്കളുമായി ചര്ച്ച നടത്താന് പ്രസിഡണ്ട് നിയോഗിച്ചിരുന്നത്.