• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഫ്രഞ്ച് ചാരക്കേസ് വിസ്മൃതിയിലേക്ക്

  • By Staff

കൊച്ചി: ഏറെ കോളിളക്കം സൃഷ്ടിച്ച ഫ്രഞ്ച് ചാരക്കേസും വിസ്മൃതിയിലേക്ക്. കേസിലെ ഒന്നും രണ്ടും പ്രതികളായ ഫ്രഞ്ചു പൗരന്മാരെ ഇന്ത്യയിലേക്കു കൊണ്ടുവന്ന് കേസിന്റെ വിചാരണ ആരംഭിക്കാന്‍ അന്വേഷണം നടത്തുന്ന സി.ബി.ഐക്ക് കഴിയാത്തതിനാലാണിത്. ഫ്രഞ്ചുകാരായ ഫോങ്കോയിസ് ക്ളാവലും എലല്ല ഫിലിപ്പുമാണ് ആദ്യ രണ്ടു പ്രതികള്‍.

മൂന്നാം പ്രതി ഗോവന്‍ സ്വദേശി ക്യാപ്റ്റന്‍ എഫ്.എം. ഫുര്‍ഡെയും നാലാം പ്രതി മുന്‍ എം.പി കെ.വി. തോമസുമാണ്. കെ.വി. തോമസിന്റെ വാദം മാത്രം കേട്ട് എറണാകുളം ചീഫ് ജുഡിഷ്യല്‍ മജിസ്ട്രേറ്റ് കോടതി അദ്ദേഹത്തെ വെറുതെ വിട്ടിരുന്നു. 98 ജനുവരി 28നായിരുന്നു കോടതി വിധി. നവാബ് രാജേന്ദ്രന്‍ അപ്പീല്‍ നല്‍കണമെന്ന് കാണിച്ച് സി.ബി.ഐക്ക് കത്തയച്ചെങ്കിലും മറുപടി ലഭിച്ചില്ല.

കോസ്റ് ഗാര്‍ഡ് ബോര്‍ഡിംഗ് ഓഫീസര്‍ രാജേന്ദ്രന്റെ പരാതിയുടെ അടിസ്ഥാനത്തില്‍ സമുദ്രാതിര്‍ത്തി ലംഘിച്ച് സര്‍വേ നടത്തിയതിന് ഔദ്യോഗിക രഹസ്യ നിയമ പ്രകാരം ലോക്കല്‍ പോലീസ്് കേസ് ചാര്‍ജ് ചെയ്യുകയായിരുന്നു. പിന്നീട് കേസ് സി.ബി.ഐക്ക് വിട്ടു.

ഗലാത്തി എന്ന ഫ്രഞ്ച് നൗകയില്‍ കൊച്ചി നാവികസേനാത്താവളത്തിനടുത്ത് സര്‍വേ ആരംഭിക്കുന്നത് 95 ഡിസിംര്‍ 19നാണ്. 28ന് കോസ്റ് ഗാര്‍ഡ് സംശയം തോന്നി ഇതിലുള്ളവരെ പിടി കൂടുകയായിരുന്നു.

പിന്നീട് നടന്ന തെരഞ്ഞെടുപ്പില്‍ കോണ്‍ഗ്രസ് എം.പിയായിരുന്ന കെ.വി തോമസിനെതിരെ സി.പി.എം ഉന്നയിച്ച ഒരു പ്രധാന ആരോപണം ചാരകേസുമായുള്ള ബന്ധമായിരുന്നു. തെരഞ്ഞെടുപ്പില്‍ സി.പി.എം സ്വതന്ത്രന്‍ സേവ്യര്‍ അറയ്ക്കലിനോട് തോമസ് പരാജയപ്പെട്ടു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X