ശ്രീലങ്കയില്‍ യുദ്ധത്തില്‍ 33 പേര്‍ കൊല്ലപ്പെട്ടു

കൊളംബോ: ശ്രീലങ്കന്‍ സൈന്യവും തമിഴ് പുലികളും തമ്മില്‍ പോരാട്ടം നടക്കുന്ന ജാഫ്നാ മേഖലയില്‍ വിവിധ സംഭവങ്ങളില്‍ 33 പേര്‍ കൊല്ലപ്പെടുകയും 42 പേര്‍ക്ക് പരിക്കേല്‍ക്കുകയും ചെയ്തു.

ചൊവാഴ്ച്ച വാന്നിയില്‍ കുഴിബോംബ് പൊട്ടിത്തെറിച്ച് ഒരു പോലീസ് വാഹനം നിശേഷം തകര്‍ന്നു. പുരവാസന്‍കുളത്തില്‍ നിന്നും വാവുനിയയിലേക്ക് പോവുകയായിരുന്ന പോലീസ് വാഹനം തകര്‍ന്ന് എട്ടു പോലീസുകാര്‍ കൊല്ലപ്പെടുകയും 10 പേര്‍ക്ക് പരിക്കേല്‍ക്കുകയും ചെയ്തു.

ചാവക്കച്ചേരിയിലും അരിയാലിയിലും സരസലിയിലും ചെറുത്തുനില്പ് ശക്തിപ്പെടുത്തിയ സൈന്യം പുലികളുമായി കടുത്ത യുദ്ധമാണ് നടത്തിയത്. 14 തമിഴ്പുലികള്‍ പോരാട്ടത്തില്‍ കൊല്ലപ്പെട്ടതായി സര്‍ക്കാര്‍ വക്താവ് പറഞ്ഞു.

തത്തോരന്‍കോട്ടിയില്‍ നാലു പുലികള്‍ കൊല്ലപ്പെട്ടു. പുലികള്‍ക്കു നേരെ സൈന്യം നടത്തിയ ആക്രമണത്തിനിടയില്‍ എട്ടു സൈനികര്‍ കൊല്ലപ്പെടുകയും 32 പേര്‍ക്ക് പരിക്കേല്‍ക്കുകയും ചെയ്തു.