വി എസ് എന് എല്ലും ഡിഷ്നെറ്റും ഇന്റര്നെറ്റ് നിരക്കുകള് കുറച്ചു
ദില്ലി: വിദേശ് സഞ്ചാര് നിഗം ലിമിറ്റഡും (വി എസ് എന് എല്) ചെന്നൈയിലെ ഡിഷ്നെറ്റ് ഡി എസ് എല് ലിമിറ്റഡും അവരുടെ ഇന്റര്നെറ്റ് നിരക്കുകള് അമ്പത് ശതമാനത്തോളം കുറച്ചു. വി എസ് എന് എല്ന്റെ മണ്സൂണ് പാക്കേജ് പ്രകാരം ജൂണ് ഒന്നു മുതല് ജൂണ് 31 വരെ ഇന്റര്നെറ്റ് നിരക്ക് അമ്പത് ശതമാനം കുറയ്ക്കുകയും രാത്രി ഇന്റര്നെറ്റ് സൗകര്യം സൗജന്യമാക്കുകയും ചെയ്തു.
ചെന്നൈയിലുള്ള ഡിഷ്നെറ്റ് ഡി എസ് എല് സ്ത്രീകള്ക്കും കുട്ടികള്ക്കുമായുള്ള ഒരു പുതിയ പദ്ധതിയുമായാണ് രംഗത്തുള്ളത്. അഞ്ച് വര്ഷത്തേക്ക് ദിവസം ഒരു മണിക്കൂര് ഇന്റര്നെറ്റ് സൗകര്യം ഉപയോഗപ്പെടുത്താന് 250 രൂപ മാത്രമേ ഈ പദ്ധതി പ്രകാരം ആകുന്നുള്ളൂ.
വി എസ് എന് എല്ലിന്റെ അമ്പത് ശതമാനം കിഴിവും രാത്രി സൗജന്യവും എന്ന പദ്ധതിക്ക് മൂന്ന് വര്ഷ കാലാവധിയാണ് ഉള്ളത്. പ്രവര്ത്തി ദിവസങ്ങളില് രാത്രി പതിനൊന്ന് മണി മുതല് രാവിലെ എട്ട് മണി വരെയാണ് സൗജന്യം. ഞായറാഴ്ച പകലും സൗജന്യമാണ്.
ഇപ്പോഴുള്ള വി എസ് എന് എല് വരിക്കാര്ക്കും പദ്ധതി കാലയളവില് ആകര്ഷകമായ പുതുക്കല് പദ്ധതി പ്രയോജനപ്പെടുത്താവുന്നതാണ്. അവരുടെ നിലവിലുള്ള മണിക്കൂറുകള് ഇരട്ടിയാക്കി പുതിയ പദ്ധതിയില് ചേര്ക്കുന്നതാണ്. വി എസ് എന് എല്ലിന്റെ സേവനങ്ങള്ക്ക് ഓണ്ലൈനായും രജിസ്റ്റര് ചെയ്യാം. . ഈസി നെറ്റ്കോമുമായും എവി കമ്പനിയുമായും ചേര്ന്ന് വി എസ് എന് എല്ലിന് ക്രെഡിറ്റ് കാര്ഡ് സംവിധാനം ഏര്പ്പെടുത്താനും പരിപാടിയുണ്ട്.
സ്ത്രീകള്ക്കും കുട്ടികള്ക്കുമായി ഡിഷ്നെറ്റിന്റെ പുതിയ പദ്ധതിയില് അധികമുപയോഗിക്കുന്ന ഓരോ മണിക്കൂറിനും പത്ത് രൂപ പ്രകാരം ഈടാക്കുന്നതാണ്. ഇപ്പോള് ഇതേ പദ്ധതിക്ക് 3,600 രൂപയാണ് കമ്പനി ഈടാക്കുന്നത്. നൂറ് മണിക്കൂറിന് 995 രൂപയുടെ പദ്ധതിയും ഒരു വര്ഷത്തേക്ക് മൂവായിരും രൂപയടച്ചാല് എത്ര മണിക്കൂര് വേണമെങ്കിലും സേവനങ്ങല് ലഭ്യമാക്കാം എന്ന പദ്ധതിയും ഡിഷ്നെറ്റിനുണ്ട്.