നേമത്ത് വാഹനാപകടത്തില്‍ നാലുപേര്‍ മരിച്ചു

തിരുവനന്തപുരം: നേമത്തിനടുത്ത് ദേശീയപാതയില്‍ ഓട്ടാറിക്ഷയും ലോറിയും കൂട്ടിയിടിച്ച് നാലുപേര്‍ മരിച്ചു.

ഓട്ടാറിക്ഷായാത്രക്കാരായ ചെങ്ങന്നൂര്‍ പനങ്ങോട് ദിനേശ് വിലാസത്തില്‍ ദിനേശ് കുമാര്‍ (24), കോവളം ബീച്ച് റോഡ് കുമാര വിലാസത്തില്‍ അഭിലാഷ് (23), അഴിക്കോട് ചെക്കക്കോണം തെരുവായിക്കുന്ന് പുത്തന്‍ വീട്ടില്‍ രഘു (40) , പ്രോവിഡന്റ് ഫണ്ട് കമ്മീഷണര്‍ ഓഫീസിലെ പ്രകാശ്(40) എന്നിവരാണ് മരിച്ചത്. രണ്ടുപേര്‍ അപകടസ്ഥലത്തുവെച്ചും മറ്റുള്ളവര്‍ ആശുപത്രിയിലേക്ക് കൊണ്ടുപോവുന്നതിനിടയിലുമാണ് മരിച്ചത്.

തിങ്കളാഴ്ച്ച രാവിലെ പത്തു മണിക്കാണ് അപകടം നടന്നത്. ലോറി ഒരു ബസിനെ മറികടക്കാന്‍ ശ്രമിക്കുന്നതിനിടയിലാണ് അപകടമുണ്ടായത്. അപകടത്തില്‍ ഓട്ടോറിക്ഷ നിശേഷം തകര്‍ന്നു.