കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ജൂണ്‍ 14ന് യൂസേഴ്സ് ഫീ നല്‍കില്ലെന്ന് വിമാനത്താവള സമിതി

  • By Staff
Google Oneindia Malayalam News

കോഴിക്കോട്: യൂസേഴ്സ് ഫീ ഏര്‍പ്പെടുത്തിയതില്‍ പ്രതിഷേധിച്ച് ജൂണ്‍ 14ന് യാത്രക്കാര്‍ ഫീസ് നല്‍കില്ലെന്ന് കോഴിക്കോട് വിമാനത്താവള സമിതി ഇന്ത്യന്‍ എയര്‍ലൈന്‍സ് അധികൃതരെ അറിയിച്ചു. ബുധനാഴ്ച്ച നടക്കുന്ന യൂസേഴ്സ് ഫീ വിരുദ്ധ സമരത്തിന്റെ ഭാഗമായാണിത്.

അതേ സമയം യൂസേഴ്സ് ഫീ അടച്ചില്ലെങ്കില്‍ ബോഡിംഗ് പാസ് അനുവദിക്കില്ലെന്നാണ് എയര്‍ലൈന്‍സ് അധികൃതരുടെ നിലപാട്. ജൂണ്‍ 14ന് സമരം നടത്തുമെന്ന് പ്രഖ്യാപിച്ച സാഹചര്യത്തില്‍ വിമാനത്താവള സമിതി വിളിച്ചുചേര്‍ത്ത യോഗത്തിലാണ് എയര്‍ലൈന്‍സ് അധികൃതര്‍ ഇക്കാര്യം പറഞ്ഞത്. ബോഡിംഗ് പാസ് നല്‍കാതിരുന്നാല്‍ യാത്ര റദ്ദാക്കുമെന്ന് വിമാനത്താവള സമിതിയും പറഞ്ഞു. ബോഡിംഗ് പാസ് നല്‍കിയില്ലെങ്കില്‍ വിമാനത്താവളത്തിനു മുന്നില്‍ ധര്‍ണ നടത്താനാണ് സമിതിയുടെ തീരുമാനം.

ബുധനാഴ്ച്ച നടക്കുന്ന സമരത്തില്‍ രാവിലെ നിയമസഭാംഗങ്ങള്‍ നയിക്കുന്ന ധര്‍ണയും ഉച്ചക്ക് പാര്‍ലമെന്റംഗങ്ങള്‍ നയിക്കുന്ന ധര്‍ണയുമുണ്ടാകും. നിയമസഭാംഗങ്ങള്‍ നയിക്കുന്ന ധര്‍ണ പി.കെ.കെ.ബാവ ഉദ്ഘാടനം ചെയ്യും. ഉച്ചക്ക് നടക്കുന്ന ധര്‍ണ ഇ.അഹമ്മദാണ് ഉദ്ഘാടനം ചെയ്യുക.

കോഴിക്കോട്, വിമാനത്താവള സമിതി, മലബാര്‍ ചേംബര്‍ ഒഫ് കോമേഴ്സ്, പ്രവാസി മലയാളി കൗണ്‍സില്‍, മാഡാക്ക്, ഗള്‍ഫ് മലയാളി ഫോറം, ഖുദ്ദാം ഹജ്ജ് ക്ഷേമസമിതി, അയാട്ട ഏജന്റ്സ് അസോസിയേഷന്‍, നോണ്‍ അയാട്ട ഏജന്റ്സ് അസോസിയേഷന്‍ എന്നീ സംഘടനകളാണ് സമരം നടത്തുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X