കേരളത്തിലും വില്പന നികുതി കുറച്ചേക്കാമെന്ന് മന്ത്രി
തിരുവനന്തപുരം: അയല് സംസ്ഥാനങ്ങള് ഏകീകൃത വില്പന നികുതിയുമായി നടപ്പാക്കിയില്ലെങ്കില് കേരളത്തിലെ വില്പന നികുതിയും കുറയ്ക്കുമെന്ന് കേരള ധനമന്ത്രി ടി ശിവദാസമേനോന് അറിയിച്ചു. നിയമസഭയില് ചോദ്യങ്ങള്ക്ക് മറുപടി പറയുകയായിരുന്നു മന്ത്രി.
വ്യാഴാഴ്ച ദില്ലിയില് വച്ച് നടക്കുന്ന മുഖ്യമന്ത്രിമാരുടേയും ധനമന്ത്രിമാരുടേയും യോഗത്തില് ഇത് ശക്തമായി അവതരിപ്പിക്കുമെന്ന് മന്ത്രി പറഞ്ഞു. ഏകീകൃത വില്പന നികുതി എല്ലാ സംസ്ഥാനങ്ങളും നടപ്പില് വരുത്തേണ്ടതാണ്. എന്നാല് ചില സാധനങ്ങളുടെ ഏകീകൃത വില്പന നികുതി പല സംസ്ഥാനങ്ങളിലേയും തറ നിരക്കിനേക്കാല് കുറവുമാണ്.
മറ്റ് സംസ്ഥാനങ്ങള് വഴിവിട്ട് നികുതി കുറയ്ക്കുകയാണെങ്കില് താനും അങ്ങനെ ചെയ്യും എന്ന് ശിവദാസമേനോന് പറഞ്ഞു. കൂടിയ വില്പന നികുതി മൂലം സംസ്ഥാനത്തിന് നിന്ന് വ്യാപാരം ഒഴിഞ്ഞ് പോകുന്നത് തടയാന് നടപടിയെടുക്കുമെന്നും മന്ത്രി പറഞ്ഞു.