പത്ത് പൊതു മേഖലാ സ്ഥാപനങ്ങള്‍ കൂടി സ്വകാര്യവത്കരിക്കും

ദില്ലി: പത്ത് പൊതുമേഖലാ സ്ഥാപനങ്ങള്‍ കൂടി സ്വകാര്യവത്കരിക്കാന്‍ സ്വകാര്യവത്കരണ മന്ത്രിസഭാ കമ്മറ്റി (സി സി ഡി) തീരുമാനമെടുത്തു. ഏകദേശം ഇരുപത് പൊതുമേഖലാ സ്ഥാപനങ്ങള്‍ 2001 മാര്‍ച്ച് 31 ന് മുന്‍പ് സ്വകാര്യവത്കരിക്കും. ഈ സാമ്പത്തിക വര്‍ഷത്തേക്കുള്ള സ്വകാര്യവത്കരണ പദ്ധതിയും ആവീഷ്കരിച്ചു.

പതിനായിരം കോടി രൂപയാണ് ഈ വര്‍ഷത്തെ സ്വകാര്യവത്കരണ പദ്ധതിക്കായി കണ്ട് വച്ചിരിക്കുന്നത്. ഇത് കേന്ദ്ര ധനമന്ത്രി യശ്വന്ത് സിന്‍ഹ ബജറ്റ് അവതരിപ്പിച്ചപ്പോള്‍ പറഞ്ഞതിന്‍ പ്രകാരമാണ്.