ജാഫ്നയില് യുദ്ധം മുറുകുന്നു; തിങ്കളാഴ്ച്ച സര്വകക്ഷിയോഗം
കൊളംബോ: ജാഫ്നക്കടുത്തെത്തിയ പുലികളെ ചെറുക്കാന് ശ്രീലങ്കന് സൈന്യം യുദ്ധം തുടരവെ പ്രസിഡന്റ് ചന്ദ്രികാ കുമാരതുംഗെ എല്ലാ പാര്ട്ടികളെയും യോഗത്തിനു ക്ഷണിച്ചു. യുദ്ധസ്ഥിതിയെ കുറിച്ചും എതിരാളികളുടെ മുന്നേറ്റം തടയുന്നതിനുള്ള തന്ത്രങ്ങള കുറിച്ചും സര്വക്ഷിയോഗത്തില് ചര്ച്ച ചെയ്യും.
എല്ലാ പാര്ട്ടികളുടെയും രണ്ട് പ്രതിനിധികളെ വീതം യോഗത്തിന് അയക്കാന് ചന്ദ്രിക ആവശ്യപ്പെട്ടിട്ടുണ്ട്. യുദ്ധം തുടങ്ങിയതിനു ശേഷം ഇതാദ്യമായാണ് സര്വകക്ഷി യോഗം വിളിച്ചുചേര്ക്കുന്നത്. മാര്ച്ച് 26നാണ് അവസാനമായി സര്വകക്ഷി യോഗം ചേര്ന്നത്.
ആക്ടിങ് വിദേശകാര്യമന്ത്രി ലക്ഷ്മണ് കിരില്ല വിവിധ രാജ്യങ്ങളുടെ അംബാസഡര്മാരുമായും ഹൈകമ്മീഷണര്മാരുമായും ചര്ച്ച നടത്തിയിരുന്നു. യുദ്ധം നടക്കുന്ന വേളയില് ശ്രീലങ്കക്ക് സഹായം വാഗ്ദാനം ചെയ്തതില് ലക്ഷ്മണ് കിരില്ല ലോകരാജ്യങ്ങളെ അഭിനന്ദിച്ചു.
ജാഫ്ന പിടിക്കാനുള്ള അവസാനഘട്ടപോരാട്ടത്തിലാണ് പുലികള്. ശനിയാഴ്ച്ച പുലികള് നടത്തിയ ആക്രമണത്തില് ഏതാനും സൈനികര് കൊല്ലപ്പെട്ടു.