സാംപ്രാസ്, ഹിംഗിസ് മൂന്നാം റൗണ്ടില്
ലണ്ടന്: പീറ്റ് സാംപ്രാസ്, മാര്ട്ടിനാ ഹിംഗിസ്, തോമസ് എന്ക്വിസ്റ് എന്നിവര് വിംബിള്ഡണ് ടെന്നീസ് ടൂര്ണമെന്റിന്റെ മൂന്നാം റൗണ്ടില് കടന്നു. അതേസമയം പുരുഷവിഭാഗത്തില് മൂന്നാം സീഡ് മാഗ്നസ് നോര്മനും 11-ാം സീഡ് റിച്ചാര്ഡ് ക്രായിചെക്കും വനിതാവിഭാഗത്തില് അന്നാ കൂര്ണിക്കോവയും രണ്ടാം റൗണ്ടില് പുറത്തായി.
ഒന്നാം സീഡ് സാംപ്രാസ് സ്ലോവാക്യയുടെ കരോള് കുസേറയെ 7-6, 3-6, 6-3, 6-4 എന്ന സ്കോറിനാണ് പരാജയപ്പെടുത്തിയത്. ഒമ്പതാം സീഡ് തോമസ് എന്ക്വിസ്റ് 7-6, 7-6, 7-5 എന്ന സ്കോറിന് സ്പെയിനിന്റെ ഫ്രാന്സിസ്കോ ക്ലാവെറ്റിനെ പരാജയപ്പെടുത്തി.
ബെല്ജിയത്തിന്റെ ഒലിവര് റോച്ചസ് അഞ്ചു സെറ്റ് നീണ്ട പോരാട്ടത്തിനൊടുവിലാണ് നോര്മനെ പരാജയപ്പെടുത്തിയത്. സ്കോര്: 6-4, 2-6, 6-4, 7-6, 6-1. റിച്ചാര്ഡ് ക്രായിചെക്ക് ദക്ഷിണാഫ്രിക്കയുടെ വെയ്ന് ഫെരേരയോട് 7-5, 3-6, 3-6, 6-7 എന്ന സ്കോറിന് പരാജയപ്പെട്ടു.
വനിതാ വിഭാഗം ഒന്നാം സീഡ് മാര്ട്ടിനാ ഹിംഗിസ് ചൈനയുടെ ജിംഗ് കാന് യീയെ 6-4, 6-1 എന്ന നേരിട്ടുള്ള സെറ്റുകള്ക്ക് പരാജയപ്പെടുത്തി. ഫ്രാന്സിന്റെ ആന് ഗെലി സിഡോറ്റിനോടാണ് അന്ന കൂര്ണിക്കോവ പരാജയപ്പെട്ടത്. സ്കോര്: 3-6, 4-6.
പുരുഷവിഭാഗം ഡബിള്സില് 10-ാം സീഡായ മഹേഷ് ഭൂപതി-ഡേവിഡ് പ്രിനോസില് ജോഡി രണ്ടാം റൗണ്ടില് കടന്നു. അര്ജന്റീനയുടെ മരിയാനോ ഹുഡ്-സെബാസ്റ്യന് പ്രീറ്റോ ജോഡിയെയാണ് അവര് മറികടന്നത്. സ്കോര്: 6-3, 6-2, 6-4.