തിരുവനന്തപുരം മുന് മേയര് എം.പി. പത്മനാഭന് അന്തരിച്ചു
തിരുവനന്തപുരം: തിരുവനന്തപുരം കോര്പ്പറേഷനിലെ മുന്മേയറും കണ്ണമ്മൂലയിലെ കൗണ്സിലറുമായ എം.പി. പത്മനാഭന് അന്തരിച്ചു. 64 വയസ്സായിരുന്നു.
വളരെക്കാലമായി രോഗശയ്യയിലായിരുന്ന പത്മനാഭന് കണ്ണമ്മൂലയിലെ സ്വവസതിയില് വെച്ചാണ് മരിച്ചത്. മൃതദേഹം കോര്പ്പറേഷന് ഓഫീസില് പൊതുദര്ശനത്തിനു വെച്ചു. ശവസംസ്കാരം വെള്ളിയാഴ്ച വൈകുന്നേരം ആറുമണിക്ക് വീട്ടുവളപ്പില്.
1975-ലും 84-ലും സി.പി.എം ടിക്കറ്റില് കോര്പ്പറേഷന് മേയറായ പത്മനാഭന് 90-ല് സി.എം.പി. ടിക്കറ്റില് വീണ്ടും മേയറായി. 64 മുതല് കണ്ണമ്മൂല വാര്ഡിനെയാണ് പത്മനാഭന് പ്രതിനിധീകരിച്ചുവരുന്നത്. മരിക്കുമ്പോള് സി.എം.പി. സംസ്ഥാനകമ്മിറ്റി അംഗമായിരുന്നു.
എം.എസ്. കുമാരിയാണ് ഭാര്യ. ബൈജു, ബിജു, സാജു, ഷിജി പപ്പന് എന്നിവര് മക്കളാണ്.
Click it and Unblock the Notifications
Sign in with Google