കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഡിഷ്നെറ്റ് ഓപ്റ്റിക്ക് ഫൈബര്‍ കേബിള്‍ പദ്ധതി തുടങ്ങും

  • By Staff
Google Oneindia Malayalam News

ചെന്നൈ: ചെന്നെ ഇന്റര്‍നെറ്റ് ഗേറ്റ്വേയാക്കുന്നതിന്റെ ഭാഗമായി സിംഗപ്പൂരിനും ചെന്നൈക്കുമിടയില്‍ സമുദ്രത്തിനടിയിലൂടെ ഓപ്റ്റിക്ക് ഫൈബര്‍ കേബിള്‍ പദ്ധതി തുടങ്ങുമെന്ന് ഡിഷ്നെറ്റ് ഡി എസ് എല്‍ വ്യക്തമാക്കി. 900 കോടി രൂപ മുതല്‍ മുടക്ക് പ്രതീക്ഷിക്കുന്ന ഒരു പദ്ധതിയാണിത്. സ്റെര്‍ലീങ് ഇന്‍ഫോടെക് ലിമിറ്റഡിന്റെ ഉടമസ്ഥതയിലുള്ളതാണ് ഡിഷ്നെറ്റ്.

ഈ കേബിളിന് 2.5 ടെറാ ബൈറ്റ് ബാന്‍ഡ്വിഡ്ത്ത് ശേഷിയുണ്ടായിരിക്കും. ഈ പദ്ധതിയോടെ ചെന്നൈ ഡിഷ്നെറ്റിന്റെ ആദ്യ ഗേറ്റ്വേയാകുമെന്ന് സ്റെര്‍ലിങ് ഇന്‍ഫോടെക് ലിമിറ്റഡിന്റെ ചെയര്‍മാന്‍ സി ശിവശങ്കരന്‍ അറിയിച്ചു.

മറ്റ് ഇന്റര്‍നെറ്റ് സേവന ദായകരുമായി സഹകരിച്ചായിരിക്കും ഈ പദ്ധതി. വിദേശ് സഞ്ചാര്‍ നിഗം ലിമിറ്റഡിന്റേതിനേക്കാള്‍ പത്ത് മടങ്ങ് കൂടുതലായിരിക്കും ഇതിന്റെ ബാന്‍ഡ് വിഡ്ത്ത്.

സിങ്ടെലുമായി ഉള്ള ഒരു കരാറിനെ തുടര്‍ന്നാണ് സാറ്റലൈറ്റ് വഴിയുള്ള ഇന്റര്‍നെറ്റ് ഗേറ്റ്വേ കഴിഞ്ഞയാഴ്ച നിലവില്‍ വന്നത്. കൊച്ചി ഉള്‍പ്പടെ ഏഴ് നഗരങ്ങളില്‍ കൂടി ഇന്റര്‍നെറ്റ് ഗേറ്റ്വേ തുടങ്ങാന്‍ ഡിഷ്നെറ്റിന് ഈയിടെ അനുമതി ലഭിച്ചിരുന്നു. ഇതിന്റെ പ്രവര്‍ത്തനങ്ങളും ഉടന്‍ തുടങ്ങും എന്ന് ശിവശങ്കരന്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X