കാര്യങ്ങൾ അതിവേഗം അറിയാൻ
For Daily Alerts
നിയുക്ത ജഡ്ജിയുടെ മരണം: സി ബി ഐ അന്വേഷണം വേണമെന്ന് ജെ ഡി(യു)
ദില്ലി: ഈയിടെ മരിച്ച നിയുക്ത ജഡ്ജിയും മുതിര്ന്ന അഭിഭാഷകനുമായ എം ആര് പരമേശ്വരന്റെ മരണം സി ബി ഐ യെക്കൊണ്ട് അന്വേഷിപ്പിക്കണം എന്ന് ജനതാ ദള് (യുണൈറ്റഡ്) ആവശ്യപ്പെട്ടു.
ദൂരൂഹ സാഹചര്യങ്ങളിലാണ് പരമേശ്വരന് മരണമടഞ്ഞതെന്നും എന്നാല് കേരളാ പോലീസ് ഇതൊരു ആത്മഹത്യയാണെന്ന് എഴുതിത്തള്ളുകയാണ് ഉണ്ടായത് എന്നും പാര്ട്ടിയുടെ നിയമ സെല് ചെയര്മാന് എ കെ സിംഹ് പറഞ്ഞു.
ആത്മഹത്യ ചെയ്യാനായി 20 കിലോ മീറ്റര് അകലെയുള്ള നദിയില് പോയി എന്നാണ് പോലീസ് ഭാഷ്യം. എന്നാല് പരമേശ്വരന് ഇങ്ങനെയൊരു തീരുമാനം എടുക്കാനുണ്ടായ സാഹചര്യം എന്താണെന്നതിനെക്കുറിച്ച് പോലീസിന് ഉത്തരമില്ല. എ കെ സിംഹ് പറഞ്ഞു.
പരമേശ്വരന് ഹൈക്കോടതി ജഡ്ജിയായി കാണാന് താല്പര്യമില്ലാത്ത ഏതോ ശക്തികളാണ് അദ്ദേഹത്തെ കൊലപ്പെടുത്തിയത് എന്നും സിംഹ് ഒരു അറിയിപ്പില് ആരോപിച്ചു.
Comments
Story first published: Thursday, July 13, 2000, 5:30 [IST]