ലാലു പ്രസാദ് യാദവ് ഇന്ന് കോടതിയില്‍ ഹാജരാകും

പട്ന: വരവില്‍ കവിഞ്ഞ സ്വത്ത് സമ്പാദിച്ച കേസില്‍ ജാമ്യാപേക്ഷ നല്‍കാന്‍ മുന്‍ ബീഹാര്‍ മുഖ്യമന്ത്രി ലാലു പ്രസാദ് യാദവ് ആഗസ്ത് 11 വെള്ളിയാഴ്ച കോടതിയില്‍ ഹാജരാകും.

കോടതിയിലെത്തുന്നതിനു മുമ്പ് ലാലു സി.ബി.ഐക്ക് മുന്നില്‍ ഹാജരാകും. മെയ് 10-ന് പട്ന ഹൈക്കോടതി ഇതേ കേസില്‍ ലാലുവിന് മൂന്നു മാസത്തെ ജാമ്യം അനുവദിച്ചിരുന്നു. വെള്ളിയാഴ്ച ഉച്ചക്കുശേഷം കോടതി ലാലുവിന്റെ വാദം കേള്‍ക്കുമെന്നാണ് കരുതുന്നത്.