ആലുവ-അങ്കമാലി റോഡ് നാലുവരിയാക്കും

ദില്ലി: ആലുവ-അങ്കമാലി റോഡ് നാലുവരിയാക്കുമെന്ന് കേന്ദ്ര ഉപരിതല ഗതാഗതമന്ത്രി ഹുക്കുംദേവ് നാരായണ്‍ യാദവ് പാര്‍ലമെന്റില്‍ പറഞ്ഞു.

എക്സ്പ്രസ് പാതകള്‍ക്കായുള്ള രണ്ടാംഘട്ട പദ്ധതിയുടെ ഭാഗമായാണ് ആലുവ-അങ്കമാലി റോഡ് നാലുവരിയാക്കുന്നത്. ഈ സാമ്പത്തികവര്‍ഷം തന്നെ പദ്ധതി പ്രാവര്‍ത്തികമാക്കാന്‍ തുടങ്ങുമെന്ന് മന്ത്രി പറഞ്ഞു. വര്‍ക്കല രാധാകൃഷ്ണന്റെ ചോദ്യത്തിന് മറുപടി പറയുകയായിരുന്നു അദ്ദേഹം.

66.4 കോടി രൂപയാണ് ആലുവ-അങ്കമാലി നാലുവരി പാതയുടെ നിര്‍മാണത്തിന് ചെലവ് പ്രതീക്ഷിക്കുന്നത്.