പഞ്ചായത്ത് തിരഞ്ഞെടുപ്പ് തീയതി മാറ്റി

കൊച്ചി: തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് സപ്തംബര്‍ 25, 27 തീയതികളിലേക്ക് മാറ്റി. നേരത്തെ സപ്തംബര്‍ 23, 25 തീയതികളില്‍ തിരഞ്ഞെടുപ്പ് നടത്താനായിരുന്നു തീരുമാനിച്ചിരുന്നത്.

തദ്ദേശസ്വയംഭരണ സ്ഥാപനങ്ങളിലെ വാര്‍ഡ് വിഭജനം പുന:പരിശോധിക്കാനുള്ള തിരഞ്ഞെടുപ്പ് കമ്മിഷന്റെ അധികാരം റദ്ദു ചെയ്യുന്ന ഹൈക്കോടതി വിധി സുപ്രീം കോടതി റദ്ദാക്കിയിരിക്കുകയാണ്. ഇതോടെ തര്‍ക്കം നിലനില്‍ക്കുന്ന വാര്‍ഡുകളിലും തിരഞ്ഞെടുപ്പ് നടത്താനുള്ള സാഹചര്യമൊരുങ്ങി.