കോഴിക്കോട് വന്‍ കുഴല്‍പ്പണ വേട്ട

കോഴിക്കോട്: പോലീസ് നടത്തിയ കുഴല്‍പ്പണ വേട്ടയില്‍ ഏതാണ്ട് 10 ലക്ഷത്തോളം രൂപയുടെ അനധികൃതപണം കണ്ടെത്തി. സംഭവവുമായി ബന്ധപ്പെട്ട് രണ്ടു യുവാക്കളെ അറസ്റു ചെയ്തിട്ടുണ്ട്.

മാങ്കാവിലെ കെ.പി. റഷീദ് (33), മുഖദാറിലെ ആഷിഖ് റഹ്മാന്‍ (28) എന്നിവരാണ് പോലീസ് പിടിയിലായത്. ആഗസ്ത് 17-ന് വ്യാഴാഴ്ച രാത്രി തിരുവനന്തപുരത്തുനിന്നും കണ്ണൂരേക്ക് പോവുകയായിരുന്ന കെ.എസ്.ആര്‍.ടി.സി ബസില്‍ വെച്ചാണ് ഇവര്‍ അറസ്റിലായത്. രണ്ടു പേരും എറണാകുളത്തു വെച്ചാണ് ബസ്സില്‍ കയറിയതെന്ന് പോലീസ് പറഞ്ഞു.

അടുത്തിടെ കാസര്‍കോഡു നിന്ന് ഏതാണ്ട് 15 ലക്ഷം രൂപയുടെ കുഴല്‍പ്പണം പോലീസ് പിടിച്ചെടുത്തിരുന്നു.