ഫോര്‍ഡ് ഐക്കണിന്റെ വില 30,000 രൂപ കൂട്ടും

ചെന്നൈ: ഫോര്‍ഡ് ഐക്കണ്‍ കാറിന്റെ വിലയില്‍ 30,000 രൂപ വര്‍ധനവ് വരുത്താന്‍ ഫോര്‍ഡ് ഇന്ത്യ തീരുമാനിച്ചു. അമേരിക്കന്‍ ഡോളറുമായി താരതമ്യം ചെയ്യുമ്പോള്‍ ഇന്ത്യന്‍ രൂപയ്ക്കുണ്ടായ കനത്ത മൂല്യതകര്‍ച്ചയും പുതിയ കാറുകള്‍ യൂറോ രണ്ട് നിലവാരം പാലിക്കണമെന്നുള്ള കര്‍ശനനിബന്ധനയും കാരണമാണ് ഈ തീരുമാനം.

ഫോര്‍ഡ് ഐക്കണ്‍ ഇതിനകം തന്നെ ഇന്ത്യയിലെ മധ്യനിരകാര്‍വില്പനയുടെ 26 ശതമാനം നേടികഴിഞ്ഞു.

ചെന്നൈയില്‍ ഒരു കയറ്റുമതി കേന്ദ്രം വികസിപ്പിക്കാന്‍ ഫോര്‍ഡ് ഇന്ത്യ കമ്പനി തീരുമാനിച്ചിരിക്കുകയാണ്.