കേരളത്തെ സ്നേഹിക്കുന്ന അമേരിക്കന് ചിത്രകാരി
തിരുവനന്തപുരം : കേരളത്തിന്റെ സൗന്ദര്യവും സംസ്കാരവും അനുഭവിച്ചറിഞ്ഞതിന്റെ ലഹരിയിലാണ് സൂസന് ഹിക്സ് എന്ന അമേരിക്കന് ചിത്രകാരി.
കേരളം മുഴുവന് സഞ്ചരിച്ച സൂസന്റെ 12 ചിത്രങ്ങളുടെ പ്രദര്ശനം തിരുവനന്തപുരം മ്യൂസിയം ആഡിറ്റോറിയത്തില് നടക്കുകയാണ്. കേരളത്തിന്റെ സമ്പന്നമായ സംസ്കാരം തന്നെ മാറ്റിമറിച്ചു എന്നു പറയുന്ന ഈ 55 കാരി തന്റെ എണ്ണച്ഛായാചിത്രങ്ങളിലും കേരളത്തെയാണ് വിഷയമാക്കിയിരിക്കുന്നത്.
മലയാളി ആത്മീയമായ ഒരു ലോകത്തിലാണ്. പാശ്ചാത്യരേക്കാള് പ്രകൃതിയുമായി വളരെ അടുത്ത ബന്ധമാണ് കേരളത്തിലുള്ളവര്ക്ക്-സൂസന് പറയുന്നു. യോഗയില് വളരെ ആകൃഷ്ടയായ സൂസന് യോഗാഭ്യാസത്തെക്കുറിച്ചാണ് രണ്ട് ചിത്രങ്ങള് രചിച്ചിരിക്കുന്നത് .
കേരളത്തിന്റ സാംസ്കാരിക പാരമ്പര്യത്തെക്കുറിച്ച് ഗവേഷണം നടത്താന് മൂന്ന് മാസങ്ങള്ക്കു മുമ്പ് കേരളത്തിലെത്തിയ സൂസന് അമേരിക്കയില് തിരിച്ചെത്തിയ ശേഷം എല്ലാ ചിത്രങ്ങളും ചേര്ത്ത് ഒരു പ്രദര്ശനം നടത്തും.