• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഷാര്‍ജയുമായി വ്യവസായ സംരംഭങ്ങള്‍ക്ക് സാധ്യത

  • By Staff

തിരുവനന്തപുരം:സംയുക്ത വ്യവസായ സംരംഭങ്ങള്‍ തുടങ്ങുന്നതിനുള്ള സാധ്യതകള്‍ പഠിക്കാന്‍ കേരളവും ഷാര്‍ജയും തമ്മില്‍ ധാരണ.ഇതു സംബന്ധിച്ച ധാരണാ പത്രം ആഗസ്ത് 31 വ്യാഴാഴ്ച സംസ്ഥാന വ്യവസായമന്ത്രി സുശീലാ ഗോപാലനും ഷാര്‍ജയിലെ ഷെയ്ഖ് താരിഖ് ബിന്‍ ഫൈസല്‍ അല്‍ ഖാസിമിയും ഒപ്പു വച്ചു.

ഇതനുസരിച്ച് വിവര സാങ്കേതിക വിദ്യ, ടൂറിസം, ലഘുവ്യവസായികോത്പന്ന നിര്‍മ്മാണം എന്നീ മേഖലകളില്‍ സംയുക്ത നിക്ഷേപം നടത്തും.

കേരളത്തില്‍ ടൂറിസം രംഗത്ത് നിക്ഷേപം തുടങ്ങാന്‍ ഉദ്ദേശിക്കുന്നതായി ഷെയ്ഖ് താരിഖ് പറഞ്ഞു. ടെക്നോപാര്‍ക്ക് മാതൃകയില്‍ ഐ.ടി വ്യവസായ കേന്ദ്രം ഷാര്‍ജയില്‍ തുടങ്ങാനും ഉദ്ദേശമുണ്ട്.

ആരോഗ്യ രംഗത്ത് ശ്രീചിത്രാ മെഡിക്കല്‍ സെന്റര്‍, റീജനല്‍ കാന്‍സര്‍ സെന്റര്‍ മാതൃകയില്‍ സ്ഥാപനങ്ങള്‍ തുടങ്ങാന്‍ ഉദ്ദേശിക്കുന്നു.

ഷാര്‍ജയില്‍ കേരളോത്സവവും കേരളത്തില്‍ ഷാര്‍ജാ ഉത്സവവും സംഘടിപ്പിക്കുക, കേരളത്തില്‍ അടിസ്ഥാന സൗകര്യങ്ങളുടെ വികസനത്തിന് ഷാര്‍ജയുടെ സഹായം ലഭ്യമാക്കുക, വ്യാപാരം വിപുലമാക്കുക തുടങ്ങിയവയാണ് മറ്റു ലക്ഷ്യങ്ങള്‍.

ടെക്നോപാര്‍ക്ക് , കിന്‍ഫ്ര , കെ.എസ്.ഐ.ഡി.സി തുടങ്ങിയ സ്ഥാപനങ്ങളും ഷാര്‍ജാ സംഘം സന്ദര്‍ശിച്ചു.

മുഖ്യമന്ത്രിയുമായും ടൂറിസം മന്ത്രി ഇ. ചന്ദ്രശേഖരന്‍ നായരുമായും സംഘം ചര്‍ച്ചകള്‍ നടത്തി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more