• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നെടുമ്പാശ്ശേരിയിലെ യൂസേഴ്സ് ഫീക്കെതിരെ ധര്‍ണ

  • By Staff

കൊച്ചി : നെടുമ്പാശ്ശേരിയിലെ കൊച്ചി രാജ്യാന്തര വിമാനത്താവളത്തില്‍ യൂസേഴ്സ് ഫീ പിരിക്കുന്നതിനെതിരെ ധര്‍ണ നടന്നു. ഷാര്‍ജയിലെ ഇന്ത്യന്‍ സംഘടനകളുടെ കോ-ഓര്‍ഡിനേഷന്‍ കമ്മിറ്റിയുടെയും വിമാനത്താവളത്തിനായി കുടിയൊഴിപ്പിക്കപ്പെട്ടവരുടെയും ആഭിമുഖ്യത്തിലാണ് സപ്തംബര്‍ അഞ്ച് ചൊവാഴ്ച വിമാനത്താവളത്തിന് മുന്നില്‍ ധര്‍ണ നടന്നത്.

വിമാനത്താവളം യാഥാര്‍ത്ഥ്യമാകാന്‍ യത്നിച്ച വിദേശ മലയാളികളെ യൂസേഴ്സ് ഫീ ചുമത്തി ചൂഷണം ചെയ്യുന്ന വിമാനത്താവളക്കമ്പനിയുടെ നടപടി അങ്ങേയറ്റം പ്രതിഷേധാര്‍ഹമാണെന്ന് ധര്‍ണ ഉദ്ഘാടനം ചെയ്ത എ.സി. ജോസ് എം.പി പറഞ്ഞു. യൂസേഴ്സ് ഫീ പിന്‍വലിക്കണമെന്നും എയര്‍ ഇന്ത്യയുടെയും ഇന്ത്യന്‍ എയര്‍ലൈന്‍സിന്റെയും ചൂഷണം അവസാനിപ്പിക്കണമെന്നും അദ്ദേഹം ആവശ്യപ്പെട്ടു.

വിമാനത്താവളത്തിന്റെ വികസനത്തിന് യൂസേഴ്സ് ഫീ പരിഹാരമാകില്ല. യൂറോപ്പ്, അമേരിക്ക തുടങ്ങിയ ഭൂഖണ്ഡങ്ങളില്‍ നിന്ന് വിമാനസര്‍വീസുകള്‍ക്ക് അനുമതി കൊടുത്താല്‍ നെടുമ്പാശ്ശേരി വിമാനത്താവളത്തിന്റെ നടത്തിപ്പ് ലാഭകരമാകുമെന്ന് അദ്ദേഹം ചൂണ്ടിക്കാട്ടി.

നെടുമ്പാശ്ശേരി വിമാനത്താവളത്തിന്റെ വികസനത്തിന് തടസം നില്‍ക്കുന്ന നിലപാടാണ് എയര്‍ ഇന്ത്യയും ഇന്ത്യന്‍ എയര്‍ലൈന്‍സും കൈക്കൊള്ളുന്നത്. വിമാനത്താവളത്തിലെ കാര്‍ഗോ പ്രവര്‍ത്തനങ്ങള്‍ കുറ്റമറ്റ രീതിയില്‍ നടത്താന്‍ ഇതിന്റെ ചുമതല വഹിക്കുന്ന എയര്‍ ഇന്ത്യക്ക് കഴിയുന്നില്ല. യാത്രക്കാര്‍ക്ക് കൂടുതല്‍ സൗകര്യങ്ങള്‍ ഏര്‍പ്പെടുത്താന്‍ വിമാനക്കമ്പനികള്‍ തയാറാകണമെന്ന് ജോസ് ആവശ്യപ്പെട്ടു.

കോ-ഓഡിനേഷന്‍ കമ്മിറ്റി ചെയര്‍മാന്‍ അഡ്വ.വൈ.എ.റഹിം അധ്യക്ഷനായിരുന്നു. അഖിലേന്ത്യാ എയര്‍പോര്‍ട്ട് യൂസേഴ്സ് അസോസിയേഷന്‍ അധ്യക്ഷ റമീള സുഖ്ദേവ്, ഡൊമിനിക് പ്രസന്റേഷന്‍ എംഎല്‍എ, പി.കെ.ഇബ്രാഹിം കുട്ടി, കരീം വെങ്കിടേത്ത്, ഹമീദ് കാട്ടുങ്ങല്‍, ജോസ് കോയിക്കല്‍ എന്നിവര്‍ സംസാരിച്ചു. വന്‍ പൊലീസ് സന്നാഹത്തിലായിരുന്നു ധര്‍ണ.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more