കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സി.പി.എമ്മിന്റ അംഗീകാരം: തീരുമാനം മാറ്റി

  • By Staff
Google Oneindia Malayalam News

ദില്ലി: സി.പി.എമ്മിന്റ ദേശീയാംഗീകാരം സംബന്ധിച്ചുള്ള തീരുമാനം തിരഞ്ഞെടുപ്പ് കമ്മീഷന്‍ മാറ്റിവെച്ചു. നിലവിലുള്ള രാഷ്ട്രീയ സാഹചര്യം കണക്കിലെടുത്തായിരിക്കണം ദേശീയ പാര്‍ട്ടി അംഗീകാരം സംബന്ധിച്ച തീരുമാനമെടുക്കേണ്ടതെന്ന സി.പി.എമ്മിന്റെ അഭ്യര്‍ത്ഥന കമ്മീഷന്‍ സ്വീകരിക്കുകയായിരുന്നു.

മുഖ്യ തിരഞ്ഞെടുപ്പ് കമ്മീഷണര്‍ എം.എസ്.ഗില്‍, തിരഞ്ഞെടുപ്പ് കമ്മീഷണര്‍മാരായ ജെ.എം.ലിംഗ്ദോ, ടി.എസ്.കൃഷ്ണമൂര്‍ത്തി എന്നിവര്‍ക്കു മുമ്പില്‍ തങ്ങളുടെ ഭാഗം വിശദീകരിക്കാനെത്തിയ നേതാക്കള്‍ ലോക്സഭയില്‍ 33 അംഗങ്ങളുള്ള സി.പി.എം. ഏറ്റവും വലിയ മൂന്നാമത്തെ കക്ഷിയാണെന്ന കാര്യം ചൂണ്ടിക്കാട്ടി.

കേരളം, പശ്ചിമ ബംഗാള്‍, ത്രിപുര, തമിഴ്നാട്, ബീഹാര്‍ തുടങ്ങിയ സംസ്ഥാനങ്ങളില്‍ നിന്നെല്ലാം തങ്ങള്‍ക്ക് ലോക്സഭയില്‍ പ്രാതിനിധ്യമുണ്ടെന്ന കാര്യം സി.പി.എം. ജനറല്‍ സെക്രട്ടറി ഹര്‍കിഷന്‍ സിങ് സുര്‍ജീതും, രാജ്യസഭയില്‍ പാര്‍ട്ടി നേതാവായ എസ്.രാമചന്ദ്രന്‍ പിള്ളയും കമ്മീഷന്റെ ശ്രദ്ധയില്‍പ്പെടുത്തി.

ലോക്സഭയില്‍ 22 അംഗങ്ങലില്‍ കൂടുതലുള്ളതിനാല്‍ ദേശീയകക്ഷിയായി അംഗീകരിക്കണമെന്ന് സി.പി.എം. നേതാക്കള്‍ ആവശ്യപ്പെട്ടു. അങ്ങനെയാവുമ്പോള്‍ 540 അംഗ സഭയില്‍ 25ല്‍ ഒരാള്‍ എന്ന നിലയില്‍ സി.പി.എമ്മിന് അംഗബലമുണ്ടാവും.

ഈ വാദങ്ങള്‍ പരിഗണിച്ച കമ്മീഷന്‍ തീരുമാനം മറ്റൊരവസരത്തിലേക്ക് മാറ്റിവെക്കുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X