ഒക്ടോബര് ആദ്യവാരം പുതിയ ഭരണസമിതി
കൊച്ചി: സംസ്ഥാനത്തെ തദ്ദേശസ്വയംഭരണസ്ഥാപനങ്ങളില് പുതിയ ഭരണസമിതി ഒക്ടോബര് ആദ്യവാരത്തോടെ നിലവില് വരും. ഒക്ടോബര് അഞ്ചാകുന്നതോടെ ഗ്രാമ, ബ്ലോക്ക്, ജില്ലാ പഞ്ചായത്തുകളില് പ്രസിഡണ്ട്, മുനിസിപ്പില് ചെയര്മാന്, കോര്പ്പറേഷന് മേയര് സ്ഥാനങ്ങളിലേക്ക് തിരഞ്ഞെടുപ്പു നടക്കുമെന്നാണ് കരുതുന്നത്.
എറണാകുളം ജില്ലയിലെ പഞ്ചായത്തുകളില് ശനിയാഴ്ച രാവിലെ 11 മണിക്ക് പുതുതായി തിരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞ നടക്കുമെന്ന് ജില്ലാ വരണാധികാരി കൂടിയായ കളക്ടര് കെ.ആര്. വിശ്വംഭരന് അറിയിച്ചു. മറ്റു ജില്ലകളിലേത് ഇനിയും പ്രഖ്യാപിനിരിക്കുന്നതേയുളളൂ.
എറണാകുളത്ത് സപ്തംബര് 27-ന് ബുധനാഴ്ച രാവിലെ ഏഴു മണിക്ക് പോളിംഗ് ആരംഭിക്കും. 13 ബ്ലോക്ക് പഞ്ചായത്തുകളിലേക്കും എറണാകുളം ജില്ലാ പഞ്ചായത്തിലേക്കുമുള്ള തിരഞ്ഞെടുപ്പും ഇതോടൊപ്പം നടക്കും. 2786 ബൂത്തുകളിലായി 22 ലക്ഷം വോട്ടര്മാര് സമ്മതിദാനാവകാശം വിനിയോഗിക്കും.
ഗ്രാമപഞ്ചായത്തിലെ 1042-ഉം ബ്ലോക്ക് പഞ്ചായത്തിലെ 125-ഉം ജില്ലാ പഞ്ചായത്തിലെ 20-ഉം മുനിസിപ്പാലിറിയിലെ 203-ഉം ബ്ലോക്ക് പഞ്ചായത്തിലെ 125-ഉം ജില്ലാപഞ്ചായത്തിലെ 20-ഉം മുനിസിപ്പാലിറ്റിയിലെ 203-ഉം കോര്പ്പറേഷനിലെ 66-ഉം മണ്ഡലങ്ങളിലേക്കാണ് ബുധനാഴ്ച തിരഞ്ഞെടുപ്പു നടക്കുന്നത്. പഞ്ചായത്തുകളിലേക്ക് 2098-ഉം മുനിസിപ്പാലിറ്റികളിലേക്ക് 217-ഉം കോര്പ്പറേഷനിലേക്ക് 417-ഉം വോട്ടെടുപ്പു കേന്ദ്രങ്ങളാണുള്ളത്.
പഞ്ചായത്തില് 15,77,411 പേര്ക്ക് വോട്ടവകാശമുണ്ട്. ഇതില് 8,00,659 പേര് സ്ത്രീകളാണ്. മുനിസിപ്പാലിറ്റികളിലെ 2,35,287 വോട്ടര്മാരില് 1,20,441 പേര് വനിതകളാണ്. കോര്പ്പറേഷനില് 4,78,743 പേര് വോട്ടു ചെയ്യും. ഇതില് 2,43,975 സ്ത്രീകളുണ്ട്.
സപ്തംബര് 28-ന് രാവിലെ എട്ടു മണിക്കാരംഭിക്കുന്ന വോട്ടെണ്ണലിന് പഞ്ചായത്തുകളില് 16-ഉം മുനിസിപ്പാലിറ്റിയില് എട്ടും കോര്പ്പറേഷനില് മൂന്നും വോട്ടെണ്ണല് കേന്ദ്രങ്ങള് ഒരുക്കിയിട്ടുണ്ട്.
111 റിട്ടേണിംഗ് ഓഫീസര്മാര് തിരഞ്ഞെടുപ്പിന് മേല്നോട്ടം വഹിക്കും. വിവിധ വോട്ടെടുപ്പു കേന്ദ്രങ്ങളിലായി 20,000 ഉദ്യോഗസ്ഥന്മാരെയും ക്രമസമാധാനപാലനത്തിനായി 4,500 പൊലീസ് ഉദ്യോഗസ്ഥന്മാരെയും നിയോഗിച്ചിട്ടുണ്ട്.