കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആദ്യഘട്ടം വോട്ടെടുപ്പ് ഇന്ന്

  • By Staff
Google Oneindia Malayalam News

തിരുവനന്തപുരം: സംസ്ഥാനത്ത തദ്ദേശസ്വയംഭരണ സ്ഥാപനങ്ങളിലെക്കുള്ള ഒന്നാം ഘട്ടം വോട്ടെടുപ്പ് സപ്തംബര്‍ 25 തിങ്കളാഴ്ച നടക്കും.

കൊല്ലം, പത്തനംതിട്ട, ഇടുക്കി,തൃശ്ശൂര്‍, മലപ്പുറം, വയനാട്, കാസര്‍കോട് ജില്ലകളിലാണ് വോട്ടെടുപ്പ് നടക്കുന്നത്. ഏഴ് ജില്ലകളിലായി 24,177 സ്ഥാനാര്‍ത്ഥികളാണ് മത്സരരംഗത്തുള്ളത്. ആകെ 12,262 പോളിങ് ബൂത്തുകളിലായി ഒരു കോടിയില്‍പരം സമ്മദിദായകര്‍ തിങ്കളാഴ്ച തങ്ങളുടെ വോട്ടവകാശം വിനിയോഗിക്കും.

തിരഞ്ഞെടുപ്പ് നീതിപൂര്‍വവും സമാധാനപരമായും നടത്താനുള്ള നടപടികളെടുത്തിട്ടുണ്ടെന്ന് സംസ്ഥാന തിരഞ്ഞെടുപ്പ് കമ്മീഷണര്‍ എം.എസ്.ജോസഫ് അറിയിച്ചു. ക്രമക്കേട് തടയാന്‍ തിരഞ്ഞെടുപ്പ് നിരീക്ഷകര്‍ക്കും കര്‍ശന നിര്‍ദ്ദേശം നല്കിയിട്ടുണ്ട്. പ്രശ്നങ്ങള്‍ ഉണ്ടാവാന്‍ സാധ്യതയുള്ളതായി കരുതപ്പെടുന്ന വോട്ടെടുപ്പ് കേന്ദ്രങ്ങളിലെ പോളിങ് നടപടികള്‍ വീഡിയോയില്‍ പകര്‍ത്തും.

സപ്തംബര്‍ 27 ബുധനാഴ്ച രണ്ടാം ഘട്ടം വോട്ടെടുപ്പ് നടക്കുന്ന ബാക്കി ഏഴ് ജില്ലകളിലെ പ്രചാരണവും തിങ്കളാഴ്ച വൈകുന്നേരം അവസാനിക്കും.

വ്യാഴാഴ്ചയാണ് വോട്ടെണ്ണല്‍. അന്നു തന്നെ മുഴുവന്‍ ഫലങ്ങളും അറിയാനാവുമെന്നാണ് പ്രതീക്ഷിക്കപ്പെടുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X