പോളിംഗ് 40 ശതമാനം കവിഞ്ഞു
തിരുവനന്തപുരം: കേരളത്തിലെ ഏഴു ജില്ലകളില് ആരംഭിച്ച തദ്ദേശസ്വയംഭരണ സ്ഥാപനങ്ങളിലേക്കുള്ള ആദ്യഘട്ടം വോട്ടെടുപ്പില് സപ്തംബര് 25തിങ്കഴാഴ്ച ഉച്ചകഴിഞ്ഞപ്പോള് പോളിംഗ് ശരാശരി നാല്പത് ശതമാനം കവിഞ്ഞു.
മലപ്പുറം ജില്ലയിലാണ് ഉച്ചക്കുമുമ്പ് ഏറ്റവും കൂടുതല് പേര് വോട്ട് രേഖപ്പെടുത്തിയത്. 50.4 ശതമാനം. വയനാട്ടില് 49 ശതമാനവും കാസര്കോഡ് 45 ശതമാനവും വോട്ടുകള് രേഖപ്പെടുത്തിക്കഴിഞ്ഞു. തൃശ്ശൂര് 35, കൊല്ലം 30.5, പത്തനംതിട്ട 35, ഇടുക്കി 33 എന്നിങ്ങനെയാണ് മറ്റു ജില്ലകളിലെ വോട്ടിംഗ് ശതമാനം.
രാവിലെ ഏഴു മണിക്കാരംഭിച്ച പോളിംഗ് എല്ലാ ജില്ലകളിലും സമാധാനപരമായിരുന്നു. രാവിലെത്തന്നെ വനിതകളാണ് കൂടുതലും വോട്ടു ചെയ്യാനെത്തിയത്. ആദ്യ മൂന്നു മണിക്കൂറില് 20 ശതമാനത്തിലധികം പേര് വോട്ടു ചെയ്തു.
ഇലക്ട്രോണിക് വോട്ടിംഗ് യന്ത്രം ഉപയോഗിച്ച് തിരഞ്ഞെടുപ്പു നടക്കുന്ന കൊല്ലം, തൃശ്ശൂര് കോര്പ്പറേഷനുകളിലെ ചില ബുത്തുകളില് യന്ത്രം തകരാറിലായി. തൃശ്ശൂരില് ഒരു മണിക്കൂറോളം സമയം പോളിംഗ് തടസ്സപ്പെട്ടിരുന്നു. ഒറ്റപ്പെട്ട അക്രമങ്ങള് ഉണ്ടായതിനെത്തുടര്ന്ന് കാസര്കോട്ടെ ചില ബൂത്തുകളില് വൈകിയാണ് വോട്ടിംഗ് ആരംഭിച്ചത്.
ആദ്യഘട്ടം വോട്ടെടുപ്പില് വോട്ട് രേഖപ്പെടുത്തിയവരില് മന്ത്രിമാരായ കൃഷ്ണന് കണിയാമ്പറമ്പിലും കെ. രാധാകൃഷ്ണനും പി.ജെ. ജോസഫും ഉള്പ്പെടുന്നു. മുസ്ലിം ലീഗ് സംസ്ഥാന പ്രസിഡണ്ട് സയ്യിദ് മുഹമ്മദലി ശിഹാബ് തങ്ങളും വോട്ടു രേഖപ്പെടുത്തി.