തൃശൂരില്‍ യുഡിഎഫ് മുന്നില്‍

തിരുവനന്തപുരം: തിരുവനന്തപുരം, കൊച്ചി, കോഴിക്കോട്, തൃശൂര്‍ കോര്‍പ്പറേഷനുകളിലെയും കാസര്‍കോട്, കൊല്ലം മുനിസിപ്പാലിറ്റിയിലെയും ആദ്യഫലങ്ങള്‍ അറിവായപ്പോള്‍ എല്‍ഡിഎഫ് മുന്നില്‍.

തിരുവനന്തപുരം കോര്‍പ്പറേഷനിലെ 48ഫലങ്ങള്‍ അറിവായി. 33 സീറ്റുകളില്‍ ഇടതുമുന്നണി വിജയിച്ചപ്പോള്‍ ഐക്യമുന്നണിക്ക് 15 സീറ്റുകളേ ലഭിച്ചുള്ളൂ.

തിരുവനന്തപുരത്ത് പിഡിപിയുടെ പൂന്തുറ സിറാജ് അമ്പലത്തറ ഡിവിഷനില്‍ നിന്ന് വിജയിച്ചു.

കൊച്ചിയില്‍ ഫലമറിവായ വാര്‍ഡുകളില്‍ 12 എണ്ണം എല്‍ഡിഎഫ് നേടിയപ്പോള്‍ യുഡിഎഫിന് പത്തും ബിജെപിക്ക് രണ്ടും ലഭിച്ചു.

കോഴിക്കോട് ആറ് സീറ്റുകളിലെ ഫലം അറിവായപ്പോള്‍ മൂന്നെണ്ണം എല്‍ഡിഎഫ് നേടി. രണ്ടെണ്ണം യുഡിഎഫിനും ഒന്ന് ബി.ജെ.പിക്കുമാണ്.

തൃശൂരില്‍ ആറ് ഡിവിഷനുകളിലെ ഫലം പ്രഖ്യാപിച്ചപ്പോള്‍ യുഡിഎഫ് നാലും എല്‍ഡിഎഫും ബിജെപിയും ഓരോന്നും നേടി.

പുതിയങ്ങാടി, എടക്കാട്, കരുവശേരി എന്നീ സീറ്റുകളിലാണ് സിപിഎം സ്ഥാനാര്‍ഥികള്‍ ജയിച്ചത്. ഈസ്റ്ഹില്‍, പന്നിയങ്ങര സീറ്റുകളില്‍ കോണ്‍ഗ്രസ് ജയിച്ചപ്പോള്‍ മീഞ്ചന്തയില്‍ ബി.ജെ.പി സ്ഥാനാര്‍ഥി ജയം കണ്ടു.

കൊല്ലത്ത് 14 വാര്‍ഡുകളിലെ ഫലം അറിവായി. ആറ് സീറ്റ് യുഡിഎഫ് നേടിയപ്പോള്‍ എല്‍ഡിഎഫിന് നാല് സീറ്റ് കിട്ടി. ബി.ജെ.പിക്ക് സീറ്റൊന്നും ലഭിച്ചില്ല. നാല് സീറ്റ് മറ്റുള്ളവര്‍ക്കാണ്.

കാസര്‍ക്കോട്ട് ഫലമറിഞ്ഞ സീറ്റുകളില്‍ ആറെണ്ണം ബി.ജെ.പി നേടി. ഒന്ന് യു.ഡി.എഫിനാണ്. എല്‍ഡിഎഫിന് ഇതുവരെ സീറ്റുകളൊന്നും ലഭിച്ചിട്ടില്ല.