മംഗളാ എക്സ്പ്രസ് പാളം തെറ്റി; നാല് പേര്‍ക്ക് പരിക്ക്

മംഗലാപുരം: മംഗളാ എക്സ്പ്രസ് ഒക്ടോബര്‍ രണ്ട് തിങ്കാഴ്ച മംഗലാപുരത്തിനടുത്ത് വെച്ച് പാളം തെറ്റി. അപകടത്തില്‍ നാല് യാത്രക്കാര്‍ക്ക് പരിക്കേറ്റു. ദില്ലിയില്‍ നിന്നും എറണാകുളത്തേക്ക് പോവുകയായിരുന്നു മംഗളാ എക്സ്പ്രസ്.

മംഗലാപുരത്തു നിന്ന് 18 കിലോമീറ്റര്‍ ദൂരെയുള്ള തൊക്കൂര്‍-സൂറത്ത്കലില്‍ വെച്ചാണ് സംഭവം. തീവണ്ടിയുടെ എഞ്ചിനും നാല് ബോഗികളുമാണ് പാളം തെറ്റിയത്.

പരിക്കേറ്റവരെ സൂറത്ത്കലിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചു.