തന്നെ ആരും സന്ദര്‍ശിക്കരുതെന്ന് വാജ്പേയി

ദില്ലി : കാല്‍മുട്ട് ശസ്ത്രക്രിയക്ക് ശേഷം തന്നെ ആശുപത്രിയില്‍ ആരും കാണാന്‍ വരരുതെന്ന് പ്രധാനമന്ത്രി വാജ്പേയി.

ഒക്ടോബര്‍ ആറ് വെള്ളിയാഴ്ച നടന്ന മന്ത്രിസഭായോഗത്തിലാണ് വാജ്പേയി തന്റെ മന്ത്രിസഭാംഗങ്ങളോടും അഭ്യുദയകാംക്ഷികളോടും ഈ അഭ്യര്‍ത്ഥന നടത്തിയത്. മുംബൈയിലെ ബ്രീച്ച് കാന്‍ഡി ആശുപത്രിയിലെ മറ്റ് രോഗികള്‍ക്ക് ഇത് ബുദ്ധിമുട്ടുണ്ടാക്കുമെന്ന് വാജ്പേയി പറഞ്ഞു. ഒക്ടോബര്‍ 10 ചൊവാഴ്ചയാണ് ശസ്ത്രക്രിയ നിശ്ചയിച്ചിട്ടുള്ളത്.