ചുഴലിക്കാറ്റ്: ആന്ധ്രയില് രണ്ടു ലക്ഷം പേരെ മാറ്റിപ്പാര്പ്പിച്ചു
ഹൈദരാബാദ്: ചുഴലിക്കാറ്റു ഭീഷണി നേരിടുന്ന ആന്ധ്രപ്രദേശിലെ നാലു തീരപ്രദേശ ജില്ലകളില് നിന്നും രണ്ടു ലക്ഷത്തോളം പേരെ മാറ്റി പാര്പ്പിച്ചു. ഒക്ടോബര് 19ന് വ്യാഴാഴ്ച ഉച്ചയോടെ 300 കീലോമീറ്റര് വേഗത്തില് ആന്ധ്രയിലെ നെല്ലൂരിന് കിഴക്കുഭാഗത്തായി കാറ്റു വീശുമെന്നാണ് കണക്കാക്കുന്നത്.
കരസേന-നാവിക സേനകളെ ഏതു സന്നിദ്ധാവസ്ഥയെയും നേരിടാന് സജ്ജമാക്കി നിര്ത്തിയിരിക്കുകയാണ്. ഹാകിംപെറ്റിലെ വ്യോമസേനാ സ്റേഷനില് രണ്ടു ഹെലികോപ്റ്ററുകള് സജ്ജമാക്കി നിര്ത്തിയിട്ടുണ്ട്.
ഗുണ്ടൂര് ജില്ലയില് നിന്നാണ് കൂടുതല് പേരെ മാറ്റിപ്പാര്പ്പിച്ചിട്ടുള്ളത്. ഏതാണ്ട് 30,000ത്തോളം പേരെ. നെല്ലൂര് ജില്ലയിലെ 11 ബ്ലോക്കുകളിലേക്കും പ്രകാശം ജില്ലയിലെ 15 ബ്ലോക്കുകളിലേക്കും ജനങ്ങളെ മാറ്റിപ്പാര്പ്പിച്ചിട്ടുണ്ട്.
മുംബൈയില് കാല്മുട്ടിന് ശസ്ത്രക്രിയ നടന്നതിനെ തുടര്ന്ന് ചികിത്സയില് കഴിയുന്ന പ്രധാനമന്ത്രി അടല് ബിഹാരി വാജ്പേയി ചുഴലിക്കാറ്റിനെ നേരിടാന് സംസ്ഥാന സര്ക്കാര് എടുത്ത നടപടികളെക്കുറിച്ച് ആരാഞ്ഞു.