രാജധാനിക്ക് ഷൊര്‍ണ്ണൂരില്‍ സ്റോപ്പ്

തിരുവനന്തപുരം: 2431/2432ാം നമ്പര്‍ തിരുവനന്തപുരം-നിസ്സാമുദ്ദീന്‍ രാജധാനി എക്സ്പ്രസിന് ഷൊര്‍ണ്ണൂരില്‍ പരീക്ഷണാടിസ്ഥാനത്തില്‍ സ്റോപ്പ് അനുവദിക്കും. ഒക്ടോബര്‍ 24 ചൊവാഴ്ച മുതല്‍ ആറുമാസത്തേക്കാണ് സ്റോപ്പ് അനുവദിക്കുക.

നിസ്സാമുദ്ദീനിലേക്കുളള വണ്ടി ബുധനാഴ്ചയും വെള്ളിയാഴ്ചയും രാവിലെ 1.15ന് ഷൊര്‍ണ്ണൂരിലെത്തും. 1.20ന് അവിടെ നിന്നും പുറപ്പെടും. തിരുവനന്തപുരത്തേക്കു പോകുമ്പോള്‍ തിങ്കളാഴ്ചയും ബുധനാഴ്ചയും രാത്രി 11.30ന് ഷൊര്‍ണ്ണൂരെത്തി 11.35ന് പുറപ്പെടും.

വേണാട് എക്സ്പ്രസ്സിന് തൃപ്പൂണിത്തുറയില്‍ സ്റോപ്പ്

അതേ സമയം വേണാട് എക്സ്പ്രസ്സിന് ഒക്ടോബര്‍ 20ന് വെള്ളിയാഴ്ച മുതല്‍ തൃപ്പൂണിത്തുറയില്‍ സ്റോപ്പനുവദിക്കുമെന്ന് കൊച്ചിയില്‍ റെയില്‍വേ വൃത്തങ്ങള്‍ അറിയിച്ചു. ഒരു മിനിറ്റ് ആണ് ട്രെയിന്‍ ഇവിടെ നിര്‍ത്തുക.

തിരുവനന്തപുരത്തു നിന്നും ഷൊര്‍ണ്ണൂര്‍ക്ക് പോകുന്ന എക്സ്പ്രസ് രാവിലെ 9.24നാണ് തൃപ്പൂണത്തുറയില്‍ എത്തുക. ഷൊര്‍ണ്ണൂരില്‍ നിന്ന് തിരുവനന്തപുരത്തേക്കു പോകുമ്പോള്‍ വൈകുന്നേരം 5.29നും.