ഉദ്യോഗസ്ഥര്‍ക്കെതിരെ ശക്തമായ നടപടിയുണ്ടാവും: മുഖ്യമന്ത്രി

തിരുവനന്തപുരം: കൊല്ലത്തുണ്ടായ വിഷമദ്യദുരന്തത്തിന് വഴിവെച്ച ഉദ്യോഗസ്ഥര്‍ക്കെതിരെ ശക്തമായ നടപടി സ്വീകരിക്കുമെന്ന് മുഖ്യമന്ത്രി ഇ.കെ.നായനാര്‍ ഒക്ടോബര്‍ 24 ചൊവാഴ്ച പറഞ്ഞു.

ഈ സംഭവം ഏറെ ദു:ഖകരമാണ്. ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ വേണ്ട നടപടികള്‍ സ്വീകരിക്കുമെന്ന് അദ്ദേഹം പറഞ്ഞു.

വിഷമദ്യദുരന്തങ്ങള്‍ മുമ്പും ഉണ്ടായിട്ടുണ്ട്. അപ്പോഴൊക്കെ സര്‍ക്കാര്‍ ആവശ്യമായ നടപടികള്‍ സ്വീകരിച്ചിട്ടുണ്ട്.

വിഷമദ്യം ഉപയോഗിക്കുന്നതിനെതിരെ ജനങ്ങളില്‍ ബോധവത്കരണമുണ്ടാക്കാനുള്ള ശ്രമങ്ങള്‍ നടത്തുമെന്ന് മുഖ്യമന്ത്രി പറഞ്ഞു.