പാമോയില് ഡിപ്പോകള് പിക്കറ്റ് ചെയ്യും
കോഴിക്കോട്: പാമോയില് വിരുദ്ധ സമിതിയുടെ ആഭിമുഖ്യത്തില് നവംബര് 10 വെള്ളിയാഴ്ച കേരളത്തിലെ പാമോയില് ഡിപ്പോകള് പിക്കറ്റ് ചെയ്യും.
സമിതി ഭാരവാഹികളായ മഞ്ചേരി സുന്ദര്രാജ്, കെ.ടി.കുഞ്ഞിക്കണ്ണന് എന്നിവരാണ് ഒക്ടോബര് 31 ബുധനാഴ്ച ഇക്കാര്യം അറിയിച്ചത്. കേരളത്തിന്റെ സമ്പദ്വ്യവസ്ഥയെ തകര്ക്കുന്ന ഭക്ഷ്യഎണ്ണയുടെ ഇറക്കുമതി നിര്ത്തലാക്കാന് കേന്ദ്രസര്ക്കാരില് സമ്മര്ദ്ദം ചെലുത്തണമെന്ന് മുഖ്യമന്ത്രി ഇ.കെ.നായനാരോട് അവര് ആവശ്യപ്പെട്ടു.
പാമോയിലിനെതിരായ സമരം ഭക്ഷ്യഎണ്ണയുടെ ഇറക്കുമതിക്കെതിരെയുള്ള ഒരു നീണ്ട സമരത്തിന്റെ മുന്നോടിയാണ്. കര്ഷകരില് നിന്നും തേങ്ങയും കൊപ്രയും നേരിട്ടു വാങ്ങാനുള്ള സംവിധാനം സര്ക്കാര് ഉണ്ടാക്കണം.
പാമോയില് ഇറക്കുമതി നിര്ത്തണമെന്ന് ആവശ്യപ്പെട്ട് നടത്തുന്ന സമരത്തിന്റെ ഭാഗമായി സമിതി ഒപ്പു ശേഖരണം നടത്തും. ആവശ്യമായ നടപടികള് സ്വീകരിക്കണമെന്ന് ആവശ്യപ്പെട്ട് രാഷ്ട്രപതിക്ക് നിവേദനം നല്കുമെന്നും സമിതി നേതാക്കള് പറഞ്ഞു.