13 കടകളില് കവര്ച്ചാശ്രമം
ഇരിക്കൂര്: രണ്ടു ദിവസത്തിനുള്ളില് 13 കടകളില് കവര്ച്ചാശ്രമം. കണ്ണൂര് ജില്ലയിലെ ഇരിക്കൂറിലാണ് ചെറിയ കടകളുടെ പൂട്ട് പൊളിച്ച് മോഷ്ടാക്കള് കവര്ച്ചാശ്രമം നടത്തിയത്. അടുത്തടുത്ത രണ്ടു ദിവസങ്ങളിലായി 13 കടകളുടെ പൂട്ടാണ് പൊളിച്ചത്.
രണ്ടിടത്ത് 200 രൂപയുടെ സിഗററ്റും പണവും കളവു പോയി. 11 കടകളുടെ പൂട്ട് പൊളിച്ച് അകത്തു കടന്ന മോഷ്ടാക്കള് ക്യാഷ് ബോക്സും മേശയും കുത്തിത്തുറന്ന് മടങ്ങി.
ടൗണ് പൊലീസ് സ്റ്റേഷനു സമീപത്താണ് ഈ 11 കടകളും.
രണ്ടു ദിവസത്തിനു മുമ്പ് പൊലീസ്സ്റ്റേഷനു മുമ്പിലെ ദന്തഡോക്ടറുടെ ക്ലിനിക്കിലും തൊട്ടടുത്ത സൂട്ട്കേസ് കടയിലും മോഷണം നടന്നിരുന്നു.
വര്ധിച്ചുവരുന്ന മോഷണത്തിനെതിരേ ഫലപ്രദമായ നടപടികള് കൈക്കൊള്ളാന് പൊലീസിനോടഭ്യര്ത്ഥിച്ചെങ്കിലും നടപടിയൊന്നുമുണ്ടായില്ലെന്ന് വ്യാപാരികള് ആരോപിച്ചു.
പൊലീസ് നിഷ്ക്രിയത്വത്തില് പ്രതിഷേധിച്ച് നവംബര് രണ്ട് വ്യാഴാഴ്ച ഇരിക്കൂറില് വ്യാപാരികള് ഹര്ത്താല് ആചരിച്ചു.