കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വ്യവസായ സംരംഭകരുടെ സമ്മേളനം

  • By Staff
Google Oneindia Malayalam News

തിരുവനന്തപുരം: കേരളത്തിലെ വ്യവസായസംരംഭകരുടെ സമ്മേളനം നവംബര്‍ 18 ശനിയാഴ്ച കൊച്ചിയില്‍ നടക്കും. സംസ്ഥാനവ്യവസായവകുപ്പിന്റെ ആഭിമുഖ്യത്തിലാണ് സമ്മേളനം . നവംബര്‍ നാല് ശനിയാഴ്ച വ്യവസായവകുപ്പ് പത്രക്കുറിപ്പില്‍ അറിയിച്ചതാണ് ഈ വിവരം.

സംസ്ഥാനത്ത് വിദേശമൂലധനനിക്ഷേപവും തദ്ദേശമൂലധനനിക്ഷേപവും ഉയര്‍ത്തുന്നതിനുള്ള പുതിയ പദ്ധതികള്‍ ആസൂത്രണം ചെയ്യുകയാണ് സമ്മേളനത്തിന്റെ ലക്ഷ്യം.

വ്യവസായമന്ത്രി സുശീലാ ഗോപാലന്‍, വ ്യവസായ വകുപ്പ് പ്രിന്‍സിപ്പല്‍ സെക്രട്ടറി കെ.മോഹന്‍ദാസ് എന്നിവരും മറ്റ് ഉന്നതോദ്യോഗസ്ഥരും സമ്മേളനത്തില്‍ പങ്കെടുക്കും. സംസ്ഥാനത്തെ വ്യവസായസംരംഭകരെ പ്രതിനിധീകരിച്ച് വിവിധ അസോസിയേഷന്‍ പ്രതിനിധികള്‍ സംബന്ധിക്കും.

സംസ്ഥാനത്ത് വ്യവസായ നിക്ഷേപം പ്രോത്സാഹിപ്പിക്കുന്നതിന് സര്‍ക്കാര്‍ സ്വീകരിച്ച വിവിധ നടപടികള്‍ സമ്മേളനത്തില്‍ വിശകലനം ചെയ്യും. അടുത്തയിടെ ആവിഷ്കരിച്ച ഏകജാലകസംവിധാനം, ആഗോളവത്കരണത്തിന്റെ അനന്തരഫലങ്ങള്‍ പഠിക്കുന്നതിന് നിയോഗിക്കപ്പെട്ട വിവിധ സമിതികളുടെ വിലയിരുത്തലുകള്‍, സംസ്ഥാനങ്ങളില്‍ നടപ്പാക്കിയ ഏകീകൃത വില്‍പന നികുതി സംവിധാനം, പരമ്പരാഗത വ്യവസായങ്ങളുടെ പുനരുദ്ധാരണത്തിനുള്ള പദ്ധതികള്‍ തുടങ്ങിയവ സമ്മേളനം ഗൗരവമായി ചര്‍ച്ച ചെയ്യും.

അടിസ്ഥാനസൗകര്യങ്ങളുടെ വികസനത്തിന് സര്‍ക്കാര്‍ കൈക്കൊണ്ട വിവിധ നടപടികള്‍ സമ്മേളനത്തില്‍ വ്യവസായസംരംഭകര്‍ക്ക് വിശദീകരിച്ചു കൊടുക്കുമെന്ന് സംസ്ഥാനവ്യവസായ ഡയറക്ടര്‍ അജയകുമാര്‍ പത്രക്കുറിപ്പില്‍ അറിയിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X