മൊബൈല് ഫോണ് കടത്ത് സംഘം പിടിയില്
കോഴിക്കോട് : ശരീരത്തില് ഒളിപ്പിച്ച് കടത്താന് ശ്രമിച്ച ആറ് ലക്ഷം രൂപയുടെ മൊബൈല് ഫോണുകളും കംപ്യൂട്ടര് ചിപ്പുകളുമായി രണ്ട് സ്ത്രീകളടക്കം മൂന്ന് പേര് പിടിയില്.
നവംബര് നാല് ശനിയാഴ്ച എയര് ഇന്ത്യാ വിമാനത്തില് കരിപ്പൂര് വിമാനത്താവളത്തില് വന്നിറങ്ങിയ ദില്ലിക്കാരി രജിത്ത് കൗര് (55), ഗോവക്കാരി റോസിലി വാലിയ (45) രജിത്ത് കൗറിന്റെ സഹോദരപുത്രന് സുഖ്ജിന്ദര് സിംഗ് (20) എന്നിവരാണ് പിടിയിലായത്.
ദുബായില് നിന്നും മുംബൈയില് ഇറങ്ങിയ ഇവര് ആഭ്യന്തര യാത്രക്കാരായാണ് കോഴിക്കോട്ടെത്തിയത്. ദുബായില് നിന്നും വന്ന ഒരാള് മുംബൈയില് വച്ചാണ് ഇവര്ക്ക് 60 വിദേശനിര്മ്മിത മൊബൈല് ഫോണുകളും 4600 കംപ്യൂട്ടര് ചിപ്പുകളും കൈമാറിയത്.
ആറു പോക്കറ്റുകളുള്ള അടിവസ്ത്രത്തിനുള്ളിലാണ് സ്ത്രീകള് ഇവ ഒളിപ്പിച്ചു വച്ചിരുന്നത്. അരയ്ക്ക് ചുറ്റും തിരുകിയും കണങ്കാലില് കെട്ടിയുമാണ് സുഖ്ജിന്ദര് സിംഗ് ഉരുപ്പടി കടത്താന് ശ്രമിച്ചത്. ആദ്യം കസ്റംസ് ഉദ്യോഗസ്ഥരെ വെട്ടിച്ച് കടന്ന സ്ത്രീകളെ റെയില്വെ സ്റേഷന് പരിസരത്ത് നിന്നും പിടികൂടുകയായിരുന്നു.