കൗണ്ടറുടെ മകനെ റിമാന്ഡ് ചെയ്തു
പാലക്കാട്: സ്പിരിറ്റ് കടത്തുകാരന് വേലുച്ചാമി കൗണ്ടറുടെ മകന് സമ്പത്ത്കുമാറിനെ പാലക്കാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് റിമാന്ഡ് ചെയ്തു.
കൗണ്ടറുടെ സിനിമാതിയറ്ററില് നിന്നും പുരയിടത്തില് നിന്നും വന്തോതില് സ്പിരിറ്റ് പിടിച്ചെടുത്തതുമായി ബന്ധപ്പെട്ട് സമ്പത്ത്കുമാറിനെയും ഒരു സഹായിയെയും കോയമ്പത്തൂര് പൊലീസ് അറസ്റ്റ് ചെയ്യുകയായിരുന്നു.
സമ്പത്ത്കുമാറിനെ നവംബര് 18 വരെയും സഹായി വേലപ്പനെ നവംബര് 10 വരെയും റിമാന്ഡ് ചെയ്യാനാണ് കോടതിയുത്തരവ്.
കൂടുതല് ചോദ്യം ചെയ്യലിനായി ഇരുവരെയും രണ്ടു ദിവസം പൊലീസ് കസ്റ്റഡിയില് വിട്ടുകൊടുത്തു കൊണ്ടും കോടതി ഉത്തരവായിട്ടുണ്ട്. കൗണ്ടറുടെ മദ്യക്കടത്ത് നിയന്ത്രിച്ചിരുന്ന സമ്പത്ത്കുമാറിനെ ചോദ്യം ചെയ്യുന്നതിലൂടെ സ്പിരിറ്റ് കടത്തുകാരും കേരളത്തിലെ മദ്യലോബിയുമായുള്ള ഇടപാടുകള് അറിയാനാവുമെന്നു കരുതപ്പെടുന്നു.
വേലുച്ചാമി കൗണ്ടര് ഇപ്പോഴും ഒളിവിലാണ്.