ബോംബ് സ്ഫോടനം: അഞ്ച് സിപിഎം കാര്ക്ക് പരിക്ക്
തലശ്ശേരി: ധര്മ്മടം ഒഴയില് ഭാഗത്ത് ബോംബ് സ്ഫോടനത്തില് അഞ്ച് സിപിഎം പ്രവര്ത്തകര്ക്ക് പരിക്കേറ്റു.
സിപിഎം അധീനതയിലുള്ള പണിതീരാത്ത കെട്ടിടത്തിലാണ് ഞായറാഴ്ച രാവിലെ സ്ഫോടനമുണ്ടായത്. ഗുരുതരമായി പരിക്കേറ്റ അഞ്ച് പേരെയും കോഴിക്കോട് മെഡിക്കല് കോളേജ് ആസ്പത്രിയില് പ്രവേശിപ്പിച്ചു.
എന്നാല് പ്രവര്ത്തകര്ക്കുനേരെ ഒരു വിഭാഗം ബോംബെറിയുകയായിരുന്നുവെന്ന് സിപിഎം ആരോപിക്കുന്നു.എന്നാല് ബോംബ് നിര്മ്മാണത്തിനിടെ സ്ഫോടനമുണ്ടായതാണെന്നാണ് ബിജെപി ആരോപണം.
സ്ഫോടനത്തെക്കുറിച്ച് തിരുവനന്തപുരത്തെ ഫോറന്സിക് വിദഗ്ധര് തെളിവുകള് ശേഖരിക്കും.ഇരുനിലകെട്ടിടത്തിന്റെ മുകള് ഭാഗത്താണ് സ്ഫോടനം നടന്നത്.എകെജി സ്മാരക വായനശാലയാണ് താഴത്തെ നിലയില് പ്രവര്ത്തിക്കുന്നത്.
മുകളില് ബ്രാഞ്ച് കമ്മിറ്റി ഓഫീസിനുള്ള നിര്മ്മാണ പ്രവര്ത്തനങ്ങള് നടന്നു വരികയാണ്.വായനശാലയില് ഫണ്ട് ശേഖരണം നടക്കുകയാണ്.ഇതിനിടയിലാണ് മുകളില് സ്ഫോടനം നടന്നത്.
ഇതിനകത്ത് ഉണ്ടായിരുന്ന സിപിഎം പ്രവര്ത്തകര്ക്കാണ് പരിക്കേറ്റത്.രജീഷിന്റെയും സജിത്തിന്റെയും കൈകള് തകര്ന്നു.സിറാജിന്റെ കണ്ണുകള്ക്കാണ് പൊള്ളലേറ്റത്.റഹിമിനും താരിഖിനും ദേഹത്ത് ഷെല്ലുകള് തുളഞ്ഞുകയറിയാണ് അപകടമുണ്ടായത്. സ്ഫോടനത്തില് ചിതറിയ കൈയുടെ അവശിഷ്ടങ്ങള് ജനലിലൂടെ പുറത്തേക്ക് തെറിച്ചു വീണു.
പരിക്കേറ്റ യുവാക്കളെ ഉടനെ സഹകരണ ആസ്പത്രിയിലെത്തിച്ചു.തലശേരി സിഐ കെ.ജയേന്ദ്രന്റെ നേതൃത്വത്തില് പൊലീസ് സംഘം വിവരമറിഞ്ഞ് സ്ഥലത്തെത്തി.കെട്ടിടവും മുറിയും പൊലീസ് നിരീക്ഷണത്തിലാണ്.