കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചെറുകിട വ്യവസായം: പഞ്ചായത്ത്പദ്ധതിക്ക് ശുപാര്‍ശ

  • By Staff
Google Oneindia Malayalam News

കൊച്ചി: കേരളത്തിലെ ചെറുകിട വ്യവസായങ്ങള്‍ പുനരുദ്ധരിക്കാന്‍ പഞ്ചായത്ത് തലത്തില്‍ പദ്ധതികള്‍ വേണമെന്ന് ഇതേപ്പറ്റി പഠിക്കാന്‍ നിയോഗിക്കപ്പെട്ട പാര്‍ലമെന്ററി സമിതി ശുപാര്‍ശ ചെയ്തു.

ചെറുകിടവ്യവസായ വികസന ബാങ്ക് പോലുള്ള സാമ്പത്തിക സ്ഥാപനങ്ങളേയും തദ്ദേശ സ്വയം ഭരണ സ്ഥാപനങ്ങളെയും ബന്ധപ്പെടുത്തി പദ്ധതികള്‍ക്ക് രൂപം നല്‍കണമെന്ന് സമിതി ചെയര്‍മാന്‍ എ സി ജോസ് എം പി പറഞ്ഞു.

കേരളത്തില്‍ തേങ്ങ, റബര്‍ എന്നിവയില്‍ അധിഷ്ഠിതമായ വ്യവസായങ്ങളില്‍ വൈവിധ്യവത്കരണം നടത്തേണ്ടതുണ്ടെന്ന് സമിതി വിലയിരുത്തി. ഉത്പന്നങ്ങള്‍ക്ക് മൂല്യവര്‍ധിത സ്വഭാവം വരുത്തി ബ്രാന്‍ഡഡ് ആക്കുന്നതിന് വ്യവസായ സംരംഭകര്‍ ശ്രമിക്കണം. കേരളത്തില്‍ നിന്നുള്ള കശുവണ്ടി പോലുള്ള ഉത്പന്നങ്ങള്‍ അമേരിക്കയിലെ ഫാക്ടറികളില്‍ നിന്ന് പാക്കറ്റുകളിലായി രാജ്യാന്തരവിപണിയിലെത്തുന്ന രീതി മാറ്റിയെടുക്കണം.

പുതിയ സാങ്കേതിക വിദ്യ സ്വായത്തമാക്കുന്നതിന് വ്യവസായസംരംഭകര്‍ ശ്രമിക്കണം. സംസ്ഥാനസര്‍ക്കാര്‍ അതിനുള്ള സാഹചര്യം സൃഷ്ടിക്കണമെന്നും പാര്‍ലമെന്ററി സമിതി ആവശ്യപ്പെട്ടു. ചെറുകിട വ്യവസായങ്ങളെ പ്രോത്സാഹിപ്പിക്കുന്നതില്‍ ഗുജറാത്ത് മാതൃക കേരളത്തിന് പിന്തുടരാവുന്നതാണെന്ന് എ. സി . ജോസ് ചൂണ്ടിക്കാട്ടി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X