ഇതൊരു നല്ല വാര്‍ത്ത: വാജ്പേയി

ദില്ലി: കന്നട നടന്‍ രാജ്കുമാര്‍ മോചിതനായതറിഞ്ഞ് പ്രധാനമന്ത്രി വാജ്പേയി സന്തോഷം പ്രകടിപ്പിച്ചു. രാജ്കുമാര്‍ മോചിതനായിരിക്കുന്നു. ഇതൊരു നല്ല വാര്‍ത്തയാണ്. അദ്ദേഹം പറഞ്ഞു.

പ്രധാനമന്ത്രിയുടെ വസതിയില്‍ നടന്ന ഒരു ചടങ്ങിനിടെയാണ് വാജ്പേയി രാജ്കുമാറിന്റെ മോചനവാര്‍ത്ത അറിഞ്ഞത്.

ആരോഗ്യ-കുടുംബക്ഷേമവകുപ്പ് മന്ത്രി സി.പി.താക്കൂര്‍, ആരോഗ്യ-കുടുംബക്ഷേമ സഹമന്ത്രി എ.രാജ, വനിതാ-ശിശു വികസനവകുപ്പ് സഹമന്ത്രി സുമിത്ര മഹാജന്‍ എന്നിവരും പ്രധാനമന്ത്രിയോടൊപ്പമുണ്ടായിരുന്നു.