കേരളത്തിലെങ്ങും ബിജെപി വഴിതടഞ്ഞു
തിരുവനന്തപുരം: മദ്യദുരന്തത്തിന്റെ ധാര്മ്മിക ഉത്തരവാദിത്തം ഏറ്റെടുത്ത് എക്സൈസ് മന്ത്രി ടി. ശിവദാസമേനോന് രാജിവെക്കണമെന്നാവശ്യപ്പെട്ട് ബിജെപി പ്രവര്ത്തകര് നവംബര് 20 തിങ്കളാഴ്ച സംസ്ഥാന വ്യാപകമായി വഴി തടഞ്ഞു.
ഡിസംബര് ഒന്നിനകം മന്ത്രി രാജി വെച്ചില്ലെങ്കില് അദ്ദേഹത്തെ ഒരു ഔദ്യോഗിക പരിപാടികളിലും പങ്കെടുക്കാന് ബിജെപി പ്രവര്ത്തകര് സമ്മതിക്കില്ലെന്ന് പാര്ട്ടി സംസ്ഥാന സെക്രട്ടറി എം.എസ്. കുമാര് പറഞ്ഞു. തിരുവനന്തപുരത്ത് വഴിതടയല് സമരം ഉദ്ഘാടനം ചെയ്യുകയായിരുന്നു അദ്ദേഹം. മഴകാരണം സമരപരിപാടികള് പെട്ടെന്നു തന്നെ അവസാനിപ്പിച്ചു.
പാലക്കാട് പാര്ട്ടി സംസ്ഥാന പ്രസിഡണ്ട് സി.കെ. പത്മനാഭനാണ് സമരം ഉദ്ഘാടനം ചെയ്തത്. പാര്ട്ടി ചാനലിലൂടെയും മറ്റും സിപിഎം കേരളത്തെ വിഷമദ്യത്തില് മുക്കിക്കൊല്ലുകയാണെന്ന് പത്മനാഭന് ആരോപിച്ചു.
കോഴിക്കോട് ബിജെപി സംസ്ഥാന സെക്രട്ടറി കൃഷ്ണദാസാണ് സമരം ഉദ്ഘാടനം ചെയ്തത്. എല്ലായിടത്തും സമരക്കാരെ പൊലീസ് അറസ്റു ചെയ്തു നീക്കി.