കവണക്കല്ല് റെഗുലേറ്റര്‍-- കം- ബ്രിഡ്ജ് തുറന്നു

കോഴിക്കോട്: മാവൂര്‍ കവണക്കല്ല് റെഗുലേറ്റര്‍-കം-ബ്രിഡ്ജ് നവംബര്‍ 21 തിങ്കളാഴ്ച മുഖ്യമന്ത്രി ഇ.കെ.നായനാര്‍ ഉദ്ഘാടനം ചെയ്തു. കോഴിക്കോട്, മലപ്പുറം ജില്ലകളെ ബന്ധിപ്പിക്കുന്നതാണ് ചാലിയാര്‍ പുഴക്ക് കുറുകെയുള്ള ഈ പാലം.

പാലം ഗതാഗതത്തിനായി തുറന്നുകൊടുത്തതോടെ ഇരുജില്ലകളിലെയും ജനങ്ങളുടെ നീണ്ട കാലത്തെ അഭിലാഷം സാക്ഷാത്കരിക്കുകയാണ്. വയനാട്ടിലെയും മലപ്പുറത്തെയും ജനങ്ങള്‍ക്ക് ഈ പാലം വഴി എളുപ്പത്തില്‍ കോഴിക്കോട് മെഡിക്കല്‍ കോളേജിലെത്താനാവും.

റെഗുലേറ്റര്‍ വഴി ചാലിയാറിലെയും മറ്റ് മൂന്നു നദികളിലെയും ജലം സംഭരിക്കാനാവും. ടൂറിസം വികസനത്തിനും മത്സ്യബന്ധനത്തിനും റെഗുലേറ്റര്‍- കം- ബ്രിഡ്ജ് ഉപകരിക്കും.