ശബരിമലയില് വന് തിരക്ക്, രണ്ടു മരണം
ശബരിമല: പന്ത്രണ്ട് വിളക്ക് പ്രമാണിച്ച് ശബരിമല സന്നിധാനത്ത് വന്തിരക്ക്. തിരക്കിനിടയില് രണ്ട് അയ്യപ്പന്മാര് ഹൃദ്രോഗം മൂലം മരിച്ചു. കോട്ടയത്ത് സ്പെഷ്യല് ബ്രാഞ്ച് പൊലീസില് ഫോട്ടോഗ്രാഫറായിരുന്ന കൊച്ചി വൈറ്റില സ്വദേശി ആര്. രവീന്ദ്രന്നായര്(53) ആണ് മരണമടഞ്ഞവരില് ഒരാള്. രണ്ടാമത്തെയാളെ തിരിച്ചറിഞ്ഞിട്ടില്ല.
രണ്ട് മക്കളുമൊത്ത് ശരംകുത്തിയില് ക്യൂ നില്ക്കുമ്പോഴായിരുന്നു രവീന്ദ്രന്നായര്ക്ക് അസ്വസ്ഥത അനുഭവപ്പെട്ടത്. മറ്റ് അയ്യപ്പന്മാരുടെ സഹായത്തോടെ സന്നിധാനത്തെ കാര്ഡിയോളജി സെന്ററില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പമ്പയില് എത്തിച്ച് അവിടെ നിന്നും സ്വദേശത്തേയ്ക്ക് കൊണ്ടുപോയി.
തിരിച്ചറിഞ്ഞിട്ടില്ലാത്ത മൃതദേഹം കോഴഞ്ചേരി ജനറല് ആശുപത്രിയിലെ മോര്ച്ചറിയിലേയ്ക്കു മാറ്റി.
നവംബര് 26 ഞായറാഴ്ച രാത്രി മുതല് പന്ത്രണ്ട് വിളക്ക് തൊഴാന് അയ്യപ്പന്മാരുടെ പ്രവാഹം ആരംഭിച്ചിരുന്നു. തിങ്കളാഴ്ച ആയപ്പോഴേയ്ക്കും തിരക്ക് നിയന്ത്രണാധീനമായി.